Bügın Şymkent qalasy aqparattyq-kommunikasiialyq ortalyǧynda qaladaǧy epidemiologiialyq jaǧdai boiynşa onlain brifing ötıp, Şymkent qalasy Densaulyq saqtau basqarmasy basşysynyŋ mındetın atqaruşysy Timur Varzilov pen Reseiden kelgen joǧary därejelı reanimatolog Denis Svetkov qaladaǧy epidemiologiialyq ahual töŋıregınde baiandady.
Timur Varzilovtyıŋ mälımdeuınşe, qazırde Şymkentte epidemiologiialyq jaǧdai tūraqty. Nauqastarǧa qajettı medisinalyq kömek berılude.
- Şymkent qalasynda 2020 jylǧy 20 şılde küngı mälımet boiynşa 4453 COVID-19 jaǧdaiy tırkelgen. Ötken täulıkte 53 koronavirus jūqtyrǧan. Jazylyp şyqqan nauqastar sany - 2768. Jalpy bügıngı künı qala boiynşa 3860 tösek oryn bar (650 - infeksiialyq tösek, 3210 - provizorlyq tösek), onyŋ ışınde bos tösek-oryndar sany 1809 – (284 – infeksiialyq, 1525 – provizorlyq tösek). Auyr därejedegı nauqastar üşın infeksiialyq stasionarlarda 60 reanimasiialyq tösek-oryn, provizorlyq stasionarlarda 91 tösek-oryn bar. Sondai-aq qaladaǧy emhanalarda qosymşa 628 tösek-oryn kündızgı stasionar ūiymdastyrylǧan. Şymkentte 2020 jyldyŋ 1 qaŋtar men 17 şılde aralyǧynda pnevmoniianyŋ 11035 jaǧdaiy tırkelıp, onyŋ ışınde 8944 nauqas emdeldı. Būl rette qalanyŋ medisinalyq mekemelerınde bügıngı künı 339 ökpenı jasandy jeldetu apparaty (İVL), 673 "Bobrov" tynys alu apparattary qoldanylady. Qosymşa 2 auruhanada ottegı stansiiasyn ıske qosu boiynşa jūmystar jürgızılude. Bır ai ışınde taǧy 3 auruhana qosylady. 2020 jylǧy 17 şıldedegı jaǧdai boiynşa testter qory – 12456, bır kündık 609 PTR (polemerazdy tızbektı reaksiia) ötkızılgen, - dedı T. Varzilov.Sondai-aq brifingte Şymkentke arnaiy täjıribe almasu maqsatynda kelgen joǧary därejelı reanimatolog D.Svetkov jergılıktı därıgerlerdıŋ koronavirusqa qarsy atqaryp jatqan jūmystaryna oŋ baǧasyn berdı.
- Baiqaǧanymyz, qazırgı uaqytta jergılıktı därıgerler ştatty rejimde jūmys ıstep, auruhanaǧa tüsken kez kelgen nauqasqa sapaly medisinalyq kömek körsetude. Nauqastardyŋ stansionarǧa kelıp tüsken uaqytynan bastap, tolyq emdeu jūmystarynyŋ jürgızıluın körıp şyqtyq. Būl tūrǧyda barlyǧy dūrys. Şymkent qalasyndaǧy auruhanalarda intensivtı terapiiany qajet etetın auyr jaǧdaidaǧy nauqastar jansaqtau bölımınde em aluda. Būǧan qosa olarǧa respiratorlyq terapiia boiynşa em jürgızıledı eken. Būl öte jaqsy. Älemdık medisina deŋgeiınde qoldanylyp jatqan emdeu täsılderınıŋ bırı jasandy jeldetu men invaziialyq jeldetu apparatyn qoldana otyryp, auyr jaǧdaidaǧy nauqasty aman alyp qalu. Būl täsıldı jergılıktı mamandar jaqsy meŋgergen. Şymkentte nauqastarǧa käsıptık medisina mamandarynyŋ kömegı qoljetımdı. Qala tūrǧyndarygna aitarym, auru bastalǧan sätten bastap, medisinalyq kömekke jügınıŋızder, - dedı reseilık därıger.Aita ketsek, Reseiden kelgen medisina mamandary qaladaǧy bırneşe medisina ūiymdaryn aralap, emdeu taktikasy boiynşa jergılıktı därıgerlermen täjırbie almasuda. Jalpy şet elden 7 maman kelgen. Onyŋ 3-euı reanimatolog-därıger jäne 4 infeksionist. Brifingte Densaulyq saqtau basqarmasy basşysynyŋ mındetın atqaruşysy T. Varzilov bügıngı taŋda Şymkentte därı-därmek qory jetkılıktı ekenın de atap öttı.
- Qalada därı-därmek qūraldary men medisinalyq qūral-jabdyqtardyŋ 10 ırı köterme jetkızuşısı bar. Tırkelgen 730 därıhananyŋ 560-y jūmys ısteidı. Jalpy, soŋǧy 7 kün ışınde Ükımet tarapynan arnaiy bölıngen 2 ūşaqpen jäne farm kompaniialarynyŋ bırjolǧy rūqsatymen bır ūşaq, Ündıstan, Resei, Ukraina, Özbekstan elderınen 9 jük kölıgı jetkızıldı. Bır jolǧy rūqsatpen 8 farm kompaniiasyna därılık zattardy qalaǧa äkeluge rūqsat berıldı. Därı-därmekter qalanyŋ barlyq ırı jeke därıhanalaryna jäne 13 emdeu mekemelerıne jetkızıldı. Bügıngı künı qalada därılık zattardyŋ negızgı qory jetkılıktı. Onyŋ ışınde temperaturany tömendetetın 47500 qorap, virusqa qarsy preparattardyŋ 71300 qorap, 65300 antibiotik, 39658 antikogulianttar, s – 22400 vitaminı, 453122 jeke qorǧanys qūraldary bar, - dedı T. Varzilov.
Şymkent
