Sońǵy ýaqytta Pavlodar oblysy Ekibastuz qalasynyń ustazdar qaýymynan "Adyrnaǵa" shaǵym jıilep tur. Habarlasýshylardyń kóbi aty-jónderin ataǵysy kelmeıdi. Shaǵym kóp bolǵanymen, taqyryp bireý: eńbek demalysy tólemi men zeınetaqy aýdarymdarynyń durys emestigi.
Taıaýda "Adyrna" poshtasyna taǵy bir hat tústi. Mátini tómendegideı:
"Men Ekibastuz qalasyna qarasty burynǵy Qarasý, qazirgi Besqaýǵa orta mektebiniń muǵalimimin. Osy jylǵy eńbek demalysyna maýsym aıynyń biri kúni shyqtym. Alaıda sol kúnnen beri bir jarym aıǵa jýyq ýaqyt bolsa da, áli kúnge eńbek demalysynyń aqysyn túgel ala almaı otyrmyn. Mektep basshysyna habarlasyp, máseleni sheship berýdi suradyq. Ókinishke qaraı, mektep basshysy bar kináni mekteptiń býhgalterııasyna aýdaryp, mardymdy jaýap bermeıdi. Dırektordyń aıtýynsha, burynǵy esepshimiz aqshany durys eseptemeı, sonyń saldarynan muǵalimderge artyq aqsha salyp jiberipti. Dırektor sol aqshany keri qaıtaryńdar, sonda ǵana otpýsknoılaryńdy alasyńdar dep otyr. Esepshiniń jibergen qateligi úshin biz nege zardap shegýimiz kerek? otpýsknoı aqshamyzdyń ózi durys eseptelmegen. Az shyqqan. Sol az shyqqan aqshanyń ózin túgel ala almaı otyrmyz. Ózimniń esebim boıynsha shamamen 130 myń teńgedeı aqsham túspegen. Osy másele boıynsha tekserý júrgizilip, bylyqtyń beti ashylsa deımin. Jylyna bir ret alatyn otpýsknoı aqshamyzdyń yryń jyryńyn shyǵarǵan adamdardyń jaýap berýin suraımyn. Osy aqshaǵa senip edik. Ókinishke qaraı, yryń jyryńy shyqqan aqshamyzdyń julymy shyqty da, endi qaryzǵa batyp, túk bitirmegen kúıi qalyp otyrmyn. Esepshi otpýsknoıǵa qansha aqsha shyqqany týraly kvıtok ta bermeı otyr. Bul qalaı bolǵany? Bul aqsha bizdiń mańdaı terimizben kelgen aqshamyz ǵoı?! Nege bulaı yryń jyryńyn shyǵarady? Bul azdaı, sońǵy jarty jyldyq zeınetaqy qoryna túsýge tıis jarnamyz da salynbapty. Bankke kredıt surap baryp, osyny bildik. Bul bylyqtyń bárine kim jaýap beredi? Nege biz bulaı zardap shegýimiz kerek? Bilim mınıstri Ashat Aımaǵambetov te eger otpýsknoı aqysynda problema bolsa, jaýapqa tartatynyn málimdegen edi. Olaı bolsa, bizdiń mekteptegi bul másele boıynsha da kináli adamdardyń jaýap berýin suraımyn".
Redakııanyń zertteýi nátıjesinde hatta atalǵan málimetter ishinara rastaldy, ıaǵnı, jalaqyny artyq esepteý faktileriniń oryn alǵanyn, atalǵan mektepte odan beri býhgalterler aýysyp, máseleniń rettelip jatqanyn bildik. Dese de budan ári biz bul máselege oraı Pavlodar oblystyq bilim basqarmasynan resmı túsinikteme kútemiz.
Hat avtorynyń elektrondy poshtasy, baılanys málimetteri redakııada.
"Adyrna" ulttyq portaly
