6 şılde elorda künıne orai «Qazaqstan» Ūlttyq telearnasy «Elorda äkımderı» atty jaŋa derektı film tüsırdı.
Qazaqstannyŋ astanasyn 20 jyldan astam uaqyt ışınde 8 äkım basqardy jäne olardyŋ barlyǧy qala tarihynda öz qoltaŋbasymen erekşelendı. QR Tūŋǧyş Prezidentı - Elbasy N. Ä. Nazarbaev senım artqan saiasi tūlǧalardyŋ barlyǧy bas şahardyŋ qalyptasyp damuyna öz ülesın qosty. Derektı filmde qalany är jyldary basqarǧan Ädılbek Jaqsybekov, Temırhan Dosmūhambetov, Ömırzaq Şökeev, Asqar Mamin, İmanǧali Tasmaǧambetov, Äset İsekeşov, Baqyt Sūltanov jäne qalanyŋ qazırgı äkımı Altai Kölgınov Elbasynyŋ qala bilıgın senıp tapsyrǧan sätın eske alyp, el astanasynyŋ qaryştap damuy üşın jüktegen mındettemelerı turaly bölısedı.
Baǧdarlamada är basşynyŋ tūsynda jüzege asqan jobalar men aituly oqiǧalar keŋınen qamtylady jäne sol arqyly Elbasy N.Ä. Nazarbaevtyŋ eŋbegı men Qazaqstan astanasyn älemge tanytudaǧy airyqşa qoltaŋbasy körsetıledı. Astanany auystyru tek köşpen şektelmegenın, ony ortalyqtandyru, küllı älemge moiyndatu oŋai bolmaǧanyn sol qalany basqarǧan basşylar arqyly jetkızıledı.
Jobada QR Tūŋǧyş Prezidentı – Elbasy N.Ä.Nazarbaevtyŋ ūlt ömırın özgertken ūtqyr şeşımderı, qaǧaz betındegı ideialardan bastap, şyndyqqa ainalǧan säulettı jobalarǧa deiıngı tabandy eŋbegı, ıskerlık pen ekonomikanyŋ qozǧauşy küşıne ainalǧan el astanasyn taŋdaudaǧy baǧdar etıp alǧan 32 ölşem turaly aitylady.
Derektı film 6 şılde 20:00-de «Qazaqstan» Ūlttyq arnasynan efirge şyǧady.
"Adyrna" ūlttyq portaly
