Jetisýda Beısen Quranbek atyndaǵy synyp ashyldy

4254
Adyrna.kz Telegram

Almaty oblysyndaǵy Qyzyljar aýylynda J.Japarov atyndaǵy orta mektepte belgili jýrnalıst, telejúrgizýshi Beısen Quranbekke arnalǵan synyp ashyldy. Saltanatty jıynda kelgen qonaqtar Beısen Quranbekke arnalǵan kórmeni aralap tamashalady.

Synyptyń ashylý qurmetine oraı, aýyl aqsaqaly Toqtasyn Rahmanbekov bata berip, aq jaýlyqty analar shashý shashty. Aýdan ákimi Ǵalıasqar Sarybaev, Beısen Abaıulynyń synyptasy Jaras Toqtasynuly men mekteptiń ozat oqýshysy Merýert Adashan murajaı lentasyn qıdy.

Shara barysynda aýdan ákimi júrekjardy lebizin bildirip, Beısen Abaıulynyń osynaý qasıetti Kúreńbel óńiriniń Qyzyljar aýylynda dúnıege kelip, oqyp, bilim alyp, qysqa ǵana ǵumyrynda bıik belesterdi baǵyndyrǵan tilge tıek etti. Otyz jyl ómirin otandyq  buqaralyq aqparat quraldaryna qyzmet etýge arnaǵan onyń «Qazaqstan» Ulttyq arnasynda júrgizgen «Aıtýǵa ońaı», «Qareket» baǵdarlamalaryn kórermenniń súısine tamashalaǵanyn tebirene jetkizdi.

Keýdesin qara óleń nárine toltyrǵan mektep oqýshylary qarymdy jýrnalıstke arnaǵan óleńderin oqydy.

Pikirler