Búgin Shymkent qalasy ákimdiginde Shymkent qalasy Tabıǵı resýrstar men tabıǵat paıdalanýdy retteý basqarmasynyń basshysy Ahmet Tatybaevtyń qatysýymen atqarylǵan jumystar jáne josparlar boıynsha brıfıng ótti.
Baspasóz májilisinde Ahmet Ótegenuly atalǵan basqarmanyń 6 aılyq jumysyn qorytyndylap, aldaǵy josparlary jaıly aıtty.
– 2020 jyly qorshaǵan ortaǵa emıssııa úshin tólemder túsimi 975,916 mln teńge kóleminde josparlanyp, osy jyldyń 5 aıynda naqty óndirilgen tólemder 440,5995 mln teńgeni qurady. Iaǵnı, jyldyq jospar 45,15 paıyzǵa oryndaldy. Al alty aı qorytyndysynda bul kórsetkishti 50 paıyzdan asyramyz dep otyrmyz. Qazirgi tańda bizdiń basqarmaǵa qaraıtyn «A.Asqarov atyndaǵy Shymkent memlekettik dendrologııalyq saıabaǵy» men «Jasyl beldeý» mekemesi bar. Ózderińizge málim, búginge deıin «Dendrosaıabaǵynyń» jaǵdaıy múshkil bolǵan. Saıabaqta 1979 jyly 560 aǵash túri bolsa, bul kúnde 200-deı ǵana aǵash-buta túri qalǵan. Iaǵnı, «Qyzyl kitapqa» engen aǵash túrleri de bar. Osy olqylyqtardyń ornyn toltyryp, búgingi tańda aǵash túrin 350-ge jetkizdik. Aldaǵy eki jyldyń ishinde bul kórsetkishti 560-qa jetkizemiz. Odan bólek, bıyl saıabaqta basqa da jumystar júrgizilýde. Atap aıtsaq, velojol tóselip, 673 jaryq berýshi qoıýdamyz. Muny jyl sońyna deıin aıaqtaımyz dep otyrmyz. Sondaı-aq, ábden tozyǵy jetken sýǵarý júıesine qarjy bólinip, sýǵarý júıeleri tolyq ornatylady», – dedi basqarma basshysy.
Atalǵan brıfıng barysynda A.Ótegenuly basqarmaǵa qarasty «Jasyl beldeý» mekemesi jaıynda sóz qozǵady.
– «Jasyl beldeý» – qalamyzdyń ókpesi. Sol sebepti bul qala ákiminiń qatań baqylaýynda. Jospar boıynsha 2025 jylǵa deıin qalanyń syrtyndaǵy jasyl beldeý tolyǵymen oryndalady. Munyń barlyǵy Úkimettiń qaýlysymen shahardyń damý josparyndaǵy 85-tarmaǵynda bekitilgen. Osy oraıda atqarylǵan jumysymyzdyń bir bóligin jetkize ketsem, Dostyq móltek aýdany, Aqbosaǵa kóshesindegi 900 m jol boıyna otyrǵyzylǵan aǵashtarǵa kútip-baptaý jumystary júrgizildi. 1600 dana raýshan gúlderi, 300 dana bozarsha, 773 dana jaı japyraqty aǵashtarynyń túbin qopsytyp, sýǵarý shuńqyrlary jasalyp jáne aǵashtar sýǵaryldy. Sondaı-aq, osy jyly orman jáne dala alqaptarynda órt eń kóp bolatyn jerlerge qosymsha 2 beket uıymdastyryldy», – dedi A.Tatybaev.
Brıfıng sońynda basqarma basshysy Shymkent qalasy boıynsha atmosferalyq aýanyń jaı-kúıi jóninde halyqty habardar etýdi qamtamasyz etý maqsatynda qalalyq bıýdjetten qarjy bólinip, 2 dana LED ekrandy ornatý úshin qala aýmaǵynan jer ýchaskelerin rásimdeý jumystary júrgizilip jatqanyn jetkizdi.
Aıta keteıik, osy jyldyń alty aıynda «A.Asqarov atyndaǵy Shymkent memlekettik dendrologııalyq saıabaǵyna» 101 578 demalýshy kelgen. Nátıjesinde, jergilikti bıýdjetke 2 803 225 teńge salyq tólengen. Saıabaqqa kirý aqysy – 26,51 teńge. Eskertetin jaıt, karantın rejımi saqtalýyna baılanysty saıabaqta usynylatyn aqyly qyzmet túrleri júrgizilip jatqan joq.
Shymkent
