Túrkııanyń joǵary ákimshilik soty Stambuldaǵy qasıetti Sofııa murajaıynyń ataýyn ózgertýge baılanysty tyńdaýdy aıaqtady. Endi Aııa-Sofııa ári qaraı mýzeı bola ma, álde meshitke aınalady ma, 15 kún ishinde belgili bolady.
Uzaq ýaqyttan beri Túrkııa prezıdenti Rejep Erdoǵan mýzeı ataýyn meshit dep aýystyrýdy usynyp keledi. Biraq ataýdy aýystyrý jóninde ákimshilik sotqa resmı túrde belgisiz qaýymdastyq júgingen. Onda Túrkııa memleketiniń negizin salǵan Kemal Atatúriktiń Aııa-Sofııany murajaıǵa aınaldyrý jónindegi qujatynyń kúshin joıý talap etilgen.
Aııa-Sofııa kesenesi VI- ǵasyrdyń 30-jyldarynda Vızantııa ımperatory Iýstınıannyń zamanynda salynǵan. Ol myńdaǵan jyldar boıy hrıstıan álemindegi eń iri shirkeý bolǵan. 1453 jyly Konstantınopoldy Osman ımperııasy basyp alǵannan keıin, shirkeý aınalasyna tórt qubyla salyp, meshitke aınaldyrǵan. Aııa-Sofııa 1934 jyly murajaıǵa aınaldy. 1985 jyly IýNESKO-nyń Búkilálemdik mura tizimine endi.
Túrkııada kópshiligi Aııa-Sofııa kesenesin zaıyrly memlekettiń belgisi retinde kóredi. Oppozıııalyq partııalar Erdoǵan eldegi ekonomıkalyq problemalardan halyq nazaryn murajaı tóńiregindegi daýǵa buryp jatyr dep esepteıdi.
Jyl saıyn bul murajaıǵa mıllıondaǵan týrıster barady. Tek byltyr ǵana 3 mln 700 myń adam barǵan.
Qurama Shtattar Túrkııany Aııa-Sofııa murajaıy mártebesin saqtap qalýǵa shaqyrdy dep jazady Reuters.
Centralasia.org
