Búgin belgili din ýaǵyzshysy Ábdiǵappar Smanov ómirden ótti. Júzdegen áleýmettik jeli qoldanýshylary marqumǵa kóńil aıtyp, qaıǵysymen bólisti. Jeli arqyly qaıtys bolǵan kisiniń atyna jaqsy sóz aıtý, qaıǵyrý, joqtaý, úlken adamgershilik ekenin bilemiz.
Biraq, dál qazirgideı kúnine kem degende 1000 adam koronavırýs ınfekııasyn juqtyryp, emhanalarda oryn jetpeı, jurtymyz dárihanadan qarapaıym dári-dármek taba almaı jatqan ýaqytta, myńdaǵan adamnyń janazaǵa jınalýyn esh túsine alar emespiz.
Densaýlyq saqtaý mınıstrligi men memlekettik bas sanıtar dáriger, aımaqtardaǵy ákimshilikter barynsha saqtyq sharalaryna shaqyryp jatyr. Prezıdent Qasym-Jomart Toqaev "toı qýalaıtyn zaman emes" dep, halyqqa toı jasaýdy keıinge qaldyryp, qaldyrýǵa kelmeıtin jaǵdaıda az adamnyń ǵana jınalýyn meńzegen bolatyn.
Dúnıejúzilik densaýlyq saqtaý uıymy COVID-19-dyń 2022 jylǵa deıin sozylatynyn aıtyp dabyl qaǵýda. Ǵalymdar indettiń taralýyn aldaǵy 1-1,5 jylda jalǵasa beretinin aıtýda.
Bizdi marqumdy jer qoınyna tapsyrýǵa myńdaǵan adamnyń jınalǵany alańdatady. Saryaǵash aýdanynyń ákimdigi, polıııasy osynsha adamnyń jınalýyna nege jol bergenin túsine alar emespiz. Dál qazir aýdandyq ákimdikke mán-jaıdy bilýge habarlaspaq edik. Resmı saıtynan tehnıkalyq sebepterge baılanysty eshqandaı baılanys nómirin taba almadyq.
Eske sala keteıik, marqum aýrýhanaǵa aýyr halde túsken. Dıagnozy – arterıalnaıa davlenııa (200), gıpertonıcheskıı krızıs, saharnyı dıabet, pnevmonııa.
Taralǵan vıdeoda janazaǵa jınalǵan jurttyń jótelip jatqanyn anyq estýge bolady. Jerleýge qarsy emespiz. Qaıtys bolǵanda janazasyna 30 adamnan, toılarda 50 adamnan aspasyn degen talap bar. Elimizdegi sanıtarlyq erejeler barlyq jerge birdeı emes pe? Onyń ústine marqum pnevmanııa bolǵan. Osy jaǵdaıdan keıin Saryaǵashta koronavırýs ınfekııasy órship ketse kim jaýap beredi? Smanovtar otbasy ma, aýdandyq ákimdik pe?
Jasulan Naýryzáli
"Adyrna" ulttyq portaly
