Kóptegen shyǵarmalarymen jáne ótkir oılarymen tanymal tulǵaǵa aınalǵan belgili qalamger, Nur-Sultandaǵy Qarjy akademııasy jýrnalıstıka kafedrasynyń professory Qýandyq Shamahaıuly qaıtys boldy degen sýyt habar taratylýda. Sońǵy jazbasynda dárigerlerdiń belgisiz dári bergenin, olarǵa kúmándanyp otyrǵanyn aıtqan. Ázirge bul jaıǵa qatysty túsinik berilgen joq.
"Astanadaǵy Birinshi klınıkadaǵy KVI 1-palatada emdelip jatyrmyn. Kesheden beri dárigerler kovıd tekseris jasaımyz desip júrgen. Shyrt uıqyda jatyr edim, saǵat 2:00-de dáriger men medık jigit kelip, qaǵazǵa qol qoıdyrdy da ketti. Sálden keıin medık jigit kelip, aýzyma bir aq dári saldy da sý ishkizdi. Menen basqasyna bermegen. Ne zat desem, vırýstan saqtaıdy deıdi. Qastandyq shyǵar dep kúmándimin. 3 lıtr sý ishtim. Nege maǵan arnaǵan? Áreketteri kúmándi. Eshteńe túsindirmeıdi,"- degen jazba qaldyrǵan.
"Adyrna" ulttyq portaly marqumnyń týǵan-týystaryna, dos-jarandaryna, qazaqstandyqtarǵa qaıǵysyna ortaqtasyp, kóńil aıtady. Baqul bolyńyz, jaqsy aǵa.
