Bul týraly Shymkent qalalyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Lázzat Qashqynbaeva BAQ ókilderine bergen suhbaty kezinde aıtty.
– Qalamyzda dári tapshylyǵy týraly shaǵym túspegenin, alaıda dárihanalarda dárilerdiń tez taýsylyp jatqany týraly aqparattar kelgenin aıta keteıin. Iaǵnı qoımalarda dáriler bar, biraq dárihanalarǵa jetken soń, tez taýsylyp qalýda. Qalada 730-daı dárihana bar. Onyń 60%-y úlken, qalǵany – kishi dárihanalar. Kishi dárihanalarda dárilerdiń qory az bolady. Al úlken kompanııalardyń dári-dármek qory jetkilikti, – dedi L.Qashqynbaeva.
Sondaı-aq, departament basshysynyń orynbasary dárilerdi mamandardyń nusqaýymen ǵana qoldaný kerektigin eskertti.
– Reeptsiz bosatylatyn dárilerdiń satylýy shektelmegen. Biraq biz búgingi jaǵdaıǵa oraı tıisti oryndarmen memorandým túzýdi josparlaýdamyz. Taǵy bir aıta ketetin jaıt, qazirgi kúnde halyq ǵalamtordan kórip, koronavırýs ınfekııasyna deksametazon dárisi kómektesedi dep oılap júr. Ol – gormondyq dári. Ony tek dárigerdiń nusqaýymen ǵana qoldaný kerek, – dedi L.Rysymbekqyzy.
Al Shymkent qalasy boıynsha Farmaeftıka qaýymdastyǵynyń tóraıymy Hadısha Áljanova dárilerdiń jetkizilýi jóninde ózindik erejeleri baryn tilge tıek etti.
– Qalamyzda sońǵy on kúndik ishinde jaǵdaı azdap ózgerdi. Halyq muny durys túsinýi kerek. Shymkentte dárihanalar kóp bolǵanymen, dárilerdi jetkizý erejeleri bar. Iaǵnı, iri kompanııalar qoımalaryna úsh aıǵa dárilik qorlaryn jınap qoıady. Al bizdiń dárihanalar bir aılyq dári-dármek qoryn alady. Biraq qalypty sıtýaııa ózgergenge baılanysty jáne dári-dármektiń kóbisi shetelden keletindikten keı dáriler eki-úsh kúnge keshigip jetkizilýde. Dál búgin «Zerde» kompanııasynyń málimeti boıynsha dárilerdiń barlyǵy kelgen. Osy rette áleýmettik jelide kishi dárihana qyzmetkerlerimen ortaq tobymyz baryn aıtqym keledi. Bul top arqyly kez kelgen dárihanada qaı dári taýsylǵanyn bilip, shuǵyl túrde jetkizip otyrmyz. Osy oraıda dúrligip, reeptsiz bosatylatyn dárilerdi tym artyq satyp alyp jatqan qala turǵyndaryn sabyrǵa shaqyramyn! Búginde bizdiń mamandar táýligine 24 saǵat jumys isteýde. Sol sebepti jaǵdaıdy qalypty deńgeıde ustaımyz, – dedi H.Derbesqyzy.
Shymkent
