Shymkenttik dárigerler koronavırýsqa qarsy ımmýnıtetti qalaı kóterý kerektigin túsindirdi

2317
Adyrna.kz Telegram

Koronavırýs indeti qazirgi kezde halyqqa asa qater tóndirip turǵany kópshilikke aıan. Tipti karantın merzimin birneshe ret sozýǵa týra keldi. Soǵan qaramastan atalǵan vırýs sońǵy kezde tipti qatty beleń alýda. Bul kóbine jurtshylyqtyń karantın rejımderin qatań ári durys saqtamaýynan bolyp otyr. Osyǵan baılanysty dárigerler koronavırýstyń aldyn alý joldaryn onlaın túsindirýde.

Dárigerlerdiń aıtýynsha, COVID-2019 respıratorly aýrýdyń qozdyrǵyshy bolyp tabylady. Jáne bul vırýs tez taralatyn asa juqpaly dert sanalady.

- Vırýstyń aldyn alýdyń bir joly qoldy únemi sabynmen jýyp jáne quramynda spırti bar zattarmen súrtý. Bulaı etý aldymen qolda vırýs bolsa, ony óltiredi. Bólmeni kúnine kemine 3-4 ret jeldetip, ylǵaldy tazalyq sharalaryn júrgizý kerek. Sondaı-aq, qoǵamdyq oryndarda adamdardan mınımým 1,5 metr ara-qashyqtyqty saqtap jáne betperde kııýdi umytpaý kerek. Sebebi, respıratorly juqpamen aýyratyn adam jótelgende nemese túshkirgende vırýs bar maıda tamshylardy aınalasyna taratady. Eger naýqas adamnyń janynda bolǵan adam, vırýsty sol aýany jutý arqyly juqtyrýy múmkin, - deıdi №6 qalalyq emhananyń bas dárigeri Gúlnar Kýlbaeva.

Mamannyń málimdeýinshe, ımmýnıtetti kóterý úshin aqýyzy kóp taǵamdarǵa mán berý kerek. Olarǵa taýyq, jylqy eti men balyq jatady. Bulardyń sorpasynyń quramynda aqýyzdar kóp. Sol sebepti atlǵan  taǵamdardyń  mańyzy joǵary. Sonymen qatar ımmýnıtetti kóterý úshin 30-40 paıyzyn aqýyzdan qurasaq, endi qalǵan 50-60 paıyzyn kókónister men jemis-jıdekter arqyly qamtyǵan durys bolady. Jaz aılarynda alma, almurt, banan, qulpynaı, qaraqat, tańqýraı, ıtmuryndy kóbirek jegen jón. Bular tabıǵı ónim bolǵandyqtan, S vıtamıniniń kózi.

Al, №8 qalalyq emhananyń bas dárigeri Sara Ospanovanyń aıtýynsha, adamdar qoldaryn únemi sabynmen jýyp júrýleri kerek. Jýylmaǵan qolmen kózdi, muryndy jáne aýzdyń aınalasyn ustamaý qajet. Sebebi, adamdar kóptegen zattardyń betin qoldarymen ustaıdy, al onda vırýs bolýy múmkin. Sodan keıin kózdi, muryndy jáne aýzdy ustaǵanda qoldaǵy vırýstyń aǵzaǵa taraý qaýpi bar. Sondaı-aq, dene qyzýy joǵary, jótel jáne tynys alýdyń nasharlaýy bolsa, úıde bolyp, aımaqtyq dárigerge telefon arqyly baılanysý kerek. Aýrýhanaǵa barýdyń qajeti joq. Dárigerdiń nusqaýyn úı jaǵdaıynda oryndaǵan jón. 14 kún ózin-ózi oqshaýlaý qajet.

Dáriger-ınfekıonıst Gúljan Jabıkenova bolsa medıınalyq betperde taǵý qorǵanýdyń birden-bir joly ekenin aıtady. Betperde keıbir respıratorlyq aýrýlardyń taralýyn shekteýge múmkindik beredi. Betperdeniń de túrleri bar. 2,4,6 saǵattyq betperdeler bar. Olardy da durys paıdalaný asa mańyzdy.

Sondaı-aq, jalpy dárigerlerdiń eskertýi karantın kezinde kópshilik oryndarda bolmaý, jeke tazalyq gıgıenasyn saqtaý, saýda oryndarynda, bazarlarda júrgende antıseptıkter qoldanyp, betperdeni únemi janyńnan tastamaý basty talap bolyp otyr.

«COVID-2019 vırýsynyń zattardyń betinde ómir súrý uzaqtyǵy áli anyqtalmaǵan, biraq aldyn ala málimetter boıynsha olardyń tirshilik etý uzaqtyǵy birneshe saǵat bolýy múmkin. Sondyqtan aýrýǵa jol bermeý úshin qarapaıym dezınfekııalaýshy zattardy qoldanyp, karantın erejelerin buljytpaı saqtaý mańyzdy. Dúken men dárihanaǵa baramyz. Bul nysandardyń kassalarynda keı jaǵdaıda kezek bolyp jatady. Osy oraıda ara qashyqtyqty saqtaýǵa mán bergen durys. Úıden shyqqanda betperdeni taǵyp, arnaıy qolǵap kıip, qolǵa antıseptık alý qajet. Úıge kirgen boıda qolymyzdy sabynmen jýamyz. Bólmeni kúnine kemine 3-4 ret jeldetken abzal»-deıdi turǵyndar densaýlyǵyna alańdaǵan shymkenttik dárigerler.

Shymkent

Pikirler