Kindiktiń qasıeti

5030

Qazaq halqy úshin kindik qasterli uǵym. Týǵan jerimizdi «kindik qany tamǵan jerge» teńeımiz, anamyzdan keıingi jaqynymyzdy «kindik sheshe» dep ataımyz. Tyrnaqtaı ǵana terige baılanysty paıda bolǵan tyıymdarymyz taǵy bar.Al siz onyń qasıetine úńilip kórdińiz be?

Barlyǵymyz derlik  "Tabaldyryqty baspa", "Ottyń basyna túkirme" degen tyıymdardy estip óstik. Al bul eskertpeler ne sebepti paıda boldy? Kezinde ata-babalarymyz ul balanyń kindigin «shańyraqtyń ıesi , tiregi bolsyn" degen nıetpen týǵan úıiniń tabyldyryǵynyń astyna kómse , qyz balanyń kindigin "otbasynyń uıytqysy bolsyn, úıdiń shyraǵy sónbesin" dep ottyń basyna kómgen eken. Osydan siz ben biz biletin tyıymdar shyqty. Al qazir she? Kindikti kómbek túgeli, kórmeımiz de..

«Ata-babalarymyz kindikke sonshama mán berip, qasıetin baǵalaǵandyqtan da jaýjúrek uldary, úlkenniń aldynan kesip ótpegen ıbaly kelinderi boldy. Kindigi jerge "jabysqan"  babalarymyz ultaraqtaı jeriniń ózin jatqa bermeı jan alyp , jan berip jaýmen shaıqasqan.Bizge osynshama keń-baıtaq jer qalýynyń bir syry osynda jatsa kerek. Bul kúnde jerdi "satamyz" deıtin, qarny toıǵan jerde júre beretin ıt tektester kóbeıdi. Kúl-qoqysqa laqtyrylyp, ıt pen mysyq jegendikten de, birimizdi birimiz tyńdamaı, sózimizdi kótere almaı, ıtshe yryldasyp jatatynymyz osydan bolýy da múmkin",- deıdi etnograf Zeınep Ahmetova.

 Kindik sheshe

 Sonymen qatar, halqymyzda "kindik sheshe" degen uǵym bar. Ol - balanyń týǵan anasynan keıingi erekshe qurmetpen qaraıtyn jaqyny. Osy oraıda taǵy da Zeınep Ahmetovanyń paıymdaýlaryna súıenemiz: «Babalarymyz "Bala kindik sheshege tartady",- dep tegin aıtpaǵan. Muny qazir ǵylym da qostaıdy. Óıtkeni, jaryq dúnıege shyr etip túsken sábıdiń pák tánin ustap, kindigin kesý arqyly árbir adamnyń boıynda ártúrli deńgeıde bolatyn bıoóris, jaratylysyndaǵy tektik qasıetter belgili bir mólsherde balaǵa beriledi. Sondyqtan balanyń óz jaqyndaryna uqsamaıtyn keıbir minezderiniń kindik sheshege tartatyny anyq. "Oı, bul pálensheniń kindik balasy ǵoı, minezi sodan aýmaı qalǵan" deıtinimiz sodan».

 Kindik pen adam arasyndaǵy baılanys

 Búginde medıına kindik pen adamnyń arasynda kózge kórinbeıtin názik baılanys bar ekenin anyqtady. Dese de, ata-babalarymyz bul baılanysty erteden-aq bilgen-di. Qazaq ana men balanyń kindigine sýyq tıgizip almaýyna asa nazar aýdardy, sebebi onyń adam aǵzasyndaǵy asa mańyzdy bólshek ekenin bildi. Al sheteldik ǵalymdar kindiktiń adam denesiniń ortalyǵy ekenin endi ǵana dáleldep jatyr. Qytaılyqtar bul ishektiń sezimtal ekenin eskere otyra, ony múldem ashpaýǵa keńes beredi. Al daoıstter kindikti energııa kózi dep esepteıdi. Qazirgi tańda dárigerler kindik qandy onkogematologııalyq (qan aýrýy), onkologııalyq, gematologııalyq aýrýlardy emdeýde paıdalanady.

Áıeldiń bar baılyǵy kindik tusynda

Ezoterık mamandar, tylsym syryn zertteýshiler adamnyń kindik tusyn kıeli dep sanaıdy. Ásirese, áıelder denesiniń osy tusyna úlken mán bergeni jón eken. Sebebi árbir áıeldiń ádemiligi men áıeldik tartymdylyǵyn arttyratyn qýat kózderi osy kindik tusyndaǵy chakrada ornalasqan. Kindikti ashyp júrý osy qýat kózderiniń jabylýyna soqtyryp, áıeldi baqytsyz etedi deıdi ezoterıkter.

Sonymen qatar áıeldiń analyq organy da osy jerde ornalasqanyn eskersek, kindikti ashyp júrý arqyly bolashaq ana bolý armanynan da alystatýy múmkin eken. Turmys qura almaý, bedeýlik, otbasylyq ómirdegi baqytsyzdyqtyń bári de osy kindik tusyndaǵy qýat kózderiniń lastanýynan. Sol sebepti árbir ata ana kishkentaı qyzynyń bolashaǵy úshin sábı kezinen qyzynyń ár dene múshesine jiti nazar aýdaryp, taza ustaýyn qadaǵalaý kerek deıdi mamandar.

Mine, kishkentaı ǵana kindiktiń qasıeti osyndaı. Osy oraıda ata-babalarymyzdyń danalyǵyna qaıran qalmasqa shara joq. Qazaqtyń ár yrymy men tyıymy jaqsylyqqa baǵyshtalǵan ǵoı!

 

Dıana ASANOVA,

«Adyrna» ulttyq portaly

Pikirler
Redakııa tańdaýy