Mausymnyŋ 20- sy künı Qazaqstan Türkiia äue baǧyttary alǧaşqy reisın bastady. Ekı el arasyndaǧy äue qatynastarynyŋ talaptary men şarttary qandai? Būrynǧydai emın erkın ūşyp baryp qaituǧa bola ma? Älde karantinge bailanysty basqa da erejeler bar ma? Būl sūraqtyŋ jauabyn soŋǧy üş künde ekı el arasynda baryp kelgen adamdardyŋ pıkırınen tabasyz.
«Bügın taŋerteŋ 07-30-daǧy TNÜ (Türık äue joldary) ūşaǧymen Almatydan Stambūlǧa keldım. Tırkelu üşın äuejaiǧa 4 saǧat būryn keluımızdı aitqan. Alaida tırkelu ädettegıdei ūşu uaqytynan 2 saǧat būryn aşyldy. Tırkeu alaŋynda karantin talaptaryn oryndau saqtalǧanymen, şyǧu esıgınde būl talapty saqtau mümkın bolmady. Ūşaqqa kırerde dene qyzuymyz ölşendı. Desek te, ūşaqtyŋ ışınde araqaşyqtyqty saqtau talaptary bolmady, ūşaqtyŋ ışı jolauşyǧa lyq toly.
Bır jarym saǧatqa keşıgıp ūştyq. Ūşaqta su, şyryn jäne qaptamaǧa oralǧan tättı bälış pen sendvich berdı. Basqa tamaq berılmedı. Tazalyq, gigienalyq zattar men jamylǧy berıldı. Sonymen qatar ūşaqta anketa toltyrdyq. Osy anketany Stambūldaǧy pasportty tekseruşı qyzmetkerge ötkızdık. Stambūlda da dene qyzuymyz ölşendı. Mıne, osylaişa Türkiiaǧa kelıp jettık» dep jazady Facebook –taǧy Benim Yarım Türk tobynda Başak Suslu.
Däl osyǧan ūqsas jaǧdaidy üş künnen berı ekı el arasynda barys kelıs jasaǧan basqa da jolauşylar jarysa jazuda. Bız habarlasqan almatylyq Erjan QASABAI da Stambūlǧa eşbır kedergısız jetkenın aitty. «Būǧan deiın habarlanǧanyndai, äuejailarda karantinnıŋ qataŋ talaptary saqtalyp, şetelden kelgender jıtı baqylauǧa alynady, qataŋ tekserıledı degen närseler bolmady. Ūşaqtan tüsken soŋ karantinge oqşaulandyrylady degen de bos söz eken.
Eşkımdı oqşaulap, karantinge alyp jatqan joq. Sonymen qatar koronavirusqa test tapsyrtady degen edı, qazaqtyŋ da, türıktıŋ de äuejaiynda eşqandai test jasalmady. Bar bolǧany dene qyzuymyzdy ölşedı de, jıberdı» degen Erjan ekı el arasyndaǧy ūşyp baru kelude anau aitqan jaŋalyq joǧyn, bärı būrynǧysynşa ekenın jetkızdı.
Türkiiadan elge kelgen Janar AIDARQYZY da eş qiyndyqsyz, ädettegıdei jetkenın mälımdedı. «Türık äuejaiynda bır erekşelıgı antiseptik qūrylǧylary köptep qoiylǧan. Kez kelgen adam paidalana beredı, tegın. Bälkım, barlyq şekara aşylmaǧan soŋ bolar, äuejaida būrynǧydai yǧy jyǧy adam joq. Desek te, kelıp, ketıp jatqandar az emes. Türık ūşaǧynda koronavirustan saqtanu şaralary turaly üzdıksız habarlanyp, anketa toltyrudy sūrady.
Anketa aǧylşyn jäne türık tılınde. Ūşaqqa mınerde araqaşyqtyqty saqtau talaptary oryndaldy. Alaida ūşaq ışı jolauşyǧa lyq toly boldy. Almatyǧa jetkenımızde de dene qyzuymyz ölşendı. Ökınışke qarai, tekseru beketınen ötu köp uaqytty aldy. Tar bölmede jolauşylar topyrlap, bır bırımızge jaqyn tūrdyq. Eşqandai test jasalmady, eşqandai anyqtama sūralmady» deidı Janar.
Aijan QŪRMANBAI, "Adyrna" ūlttyq portaly
Ūqsas jaŋalyqtar
