Qytaıda týǵan qandastarymyz Qaster Musahanuly men Murager Álimuly Semeıdegi kolonııadan segiz aıdan keıin bosap shyqty. Bul týraly ekeýiniń advokaty Lázzat Ahatova habarlady.
Eske sala ketsek, Qaster Musahanuly men Murager Álimulyna "memlekettik shekarany qasaqana zańsyz kesip ótti" degen aıyp taǵylyp, sot úkimimen qamaýǵa alynǵan bolatyn. Jyl basynda Shyǵys Qazaqstan oblysy Zaısan aýdandyq soty Shyńjańnan Qazaqstanǵa ótken (qashqan) eki etnıkalyq qazaqty bir jylǵa bas bostandyǵynan aıyrý týraly sheshim shyǵarǵan edi. Alaıda sot úkiminde olardyń tergeý ızolıatorynda otyrǵan kezderi eki eselenip, bir kúni eki kúnge esepteldi. Osylaısha qamaý merzimi 2019 jyldyń 18 qazanynan bastap sanalǵan.
Alaıda qamaýdan bosaǵan jigitterdiń qujattary áli tolyq sheshilmegen.
Vıdeo qos qandasymyzdyń advokaty Lázzat Ahatqyzynyń paraqshasynan alyndy.
"Adyrna" ulttyq portaly
