Shymkentte karantın merzimi 6 shildege deıin uzartyldy

2304
Adyrna.kz Telegram

Búgin Shymkent qalasy ákimdiginde Shymkent qalasy ákiminiń birinshi orynbasary Erbol Sadyrdyń qatysýymen koronavırýs pandemııasyna jol bermeý maqsatynda shekteý sharalary jóninde brıfıng ótti.

Baspasóz májilisinde Erbol Ábilhaıyruly koronavırýs ınfekııasy órship turǵanyn alǵa tartyp, osyǵan oraı karantın merzimi uzaratynyn jáne keıbir shekteý sharalary engiziletinin jetkizdi.

– Qalamyzda shekteý sharasy 22 maýsymǵa deıin edi. Endi bul 6 shildege deıin sozylyp otyr. Odan bólek, keıbir shekteý sharalary engiziledi. Arnaıy toppen qoǵamdyq kólikter men qoǵamdyq oryndardy aralap shyqtyq. Ókinishke qaraı saqtyq sharalary durys saqtalmaǵan. Munyń bári qaladaǵy epıdemıologııalyq jaǵdaıdyń kúrdelenýine ákelip soǵady. Osyǵan baılanysty demalys kúnderi qalanyń kúndelikti ómirine qajetti nysandardan basqa nysandar jumysyn toqtatady. Iaǵnı, senbi, jeksenbi kúnderi barlyq azamattar óz otbasymen úılerinde otyrýy kerek. Eger biz osyndaı sharalardy saqtamaıtyn bolsaq, koronavırýsty aýyzdyqtaý múmkin emes. Aldaǵy 20, 21 maýsym kúnderinen bastap qaladaǵy oıyn-saýyq ortalyqtary, iri saýda oryndary, bazarlar, saýda úıleri men ortalyqtary, fıtnes ortalyqtary, basseınder jáne sporttyq nysandardyń jumysy toqtatylady. Biraq tek senbi, jeksenbi kúnderi. Bul oraıda kóp qabatty turǵyn úılerdiń aýmaǵyndaǵy azyq-túlik, jeke azyq-túlik dúkenderi jáne qaladaǵy kóterme bazar «Jibek joly» men «Qazybek» bazary jumysyn isteıdi», – dedi qala ákiminiń birinshi orynbasary.

Osy rette Erbol Sadyr qoǵamdyq tamaqtaný oryndarynyń jumysy toqtaıtynyn, tek qana ashyq dalada tamaqtaný orny bar jáne sanıtarlyq normalardy saqtaǵan oryndar ǵana óz jumysyn jalǵastyratynyn aıtty. Sondaı-aq, qoǵamdyq kólikter senbi, jeksenbi tolyq toqtaıdy. Basqa kúnderi merzimine shekteýler engizilip, tańǵy saǵat 07:00-den 11:00-ge deıin jáne tústen keıin 17:00-den keshki saǵat 20:00-ge deıin ǵana júredi. Al 22 maýsymnan bastap HQKO jáne Jumyspen qamtý ortalyǵynyń jumystaryna da shekteýler qoıylady. Olar tańǵy saǵat 08:00-den 12:00-ge deıin ǵana jumys isteıdi. Onyń ózinde onlaın kórsetilmeıtin qyzmetterdi ǵana iske asyrady. Munda keletin azamattar onlaın kezekke turýy kerek.

Sonymen qatar, halyq kóp jınalatyn kósheler, arbattar, skverler, sporttyq jáne balalarǵa arnalǵan alańshalar, týrıstik oryndar, saıabaqtardyń barlyǵy jumysy toqtatady. Odan bólek, qaladaǵy ofıste, memlekettik mekemelerde jumys jasaıtyn kásiporyndardyń barlyǵyna jumysshylarynyń 80%-na deıin onlaın rejımde jumys isteýge kóshý týraly sheshim qabyldanǵan.

Osy rette Erbol Ábilhaıyruly: «Qurmetti qala turǵyndary, munyń bári – sizderdiń densaýlyqtaryńyzdy saqtaý úshin jasalynyp jatqan sharalar. Sondyqtan árbir azamat óziniń densaýlyǵy, jaqyndarynyń amandyǵy úshin saqtanýy kerek. Eger sizder tarapynan sanıtarlyq normalar saqtalynbasa, koronavırýsty aýyzdyqtaýymyz múmkin emes. Nátıjesinde, qaladaǵy shekteý sharalaryn budan da qatty kúsheıtýge májbúr bolamyz», – dedi E.Sadyr.

Shymkent

Pikirler