Túrkistan oblysynda polıııa qyzmetkerleri onlaın-alaıaqtyqqa qatysy bar kúdiktini qolǵa túsirdi, – dep habarlaıdy Polisia.kz.
Kentaý qalalyq PB-niń kezekshi bólimine Shymkent qalasynyń turǵyny aryzdanyp, avtokóliktiń qosalqy bólshekterin satyp alamyn dep alaıaqtyń qurbany bolǵanyn jetkizdi. Jábirlenýshiniń aıtýynsha, ol “WhatsApp” messendjeri arqyly “Kamaz” avtokóliginiń dóńgelegin satý týraly habarlandyrýdy kórgen. Sodan jábirlenýshi er adam satýshymen habarlasady. Satýshy bolsa, habarlasqan turǵynnyń senimine kirip, 20 dana dóńgelekti 800 myń teńgege satýǵa ýáde bergen. Alaıda, jábirlenýshi satýshyǵa 200 myń teńgege jýyq qarjy aýdarǵannan keıin, alaıaq ýádesin oryndamaı, joq bolyp ketken.
Atalǵan jaıt polıııa qyzmetkerleri QR Qylmystyq kodeksiniń 190-baby (alaıaqtyq) boıynsha sotqa deıingi tergep-tekserýdiń biryńǵaı tizilimine tirkep, kúdiktini ustaý boıynsha qajetti sharalardy qolǵa aldy. Qylmysty ashý maqsatynda polıııa bóliminde tájirıbeli tártip saqshylarynan jedel-tergeý toby quryldy.
Jedel-izdestirý is-sharalarynyń qorytyndysyna sáıkes Kentaý qalasynyń polıııa qyzmetkerleri kúdiktini kórshi oblystan ustady. Ol Qyzylorda oblysynyń turǵyny bolyp shyqty. Kentaý QPB-niń ýaqytsha ustaý ızolıatoryna qamaýǵa alyndy. Qazirgi ýaqytta alaıaqtyq deregi boıynsha sotqa deıingi tergeý amaldary júrgizilip jatyr. Polıııa qyzmetkerleri jigittiń budan basqa da qylmystarǵa qatystylyǵyn anyqtaıdy. Túrkistan oblysynyń polıeıleri turǵyndarǵa alaıaqtarǵa aldanbaý úshin muqııat bolýǵa jáne tym sengish bolmaýǵa keńes beredi.
Saıttardan bólek áleýmettik jelilerde taýarlardy satý týraly habarlandyrýlar - qoǵamda keńinen taralǵan alaıaqtyqtyń túri. Ádette, alaıaqtar óz qurbandaryn tómen baǵamen jáne tıimdi usynystarmen qyzyqtyryp, aldyn ala tólem jasaýdy talap etedi. Ǵalamtor arqyly satyp alý kezinde aqparattyń shynaıylyǵyna kóz jetkizý qajet. Múmkin bolsa resmı saıttary paıdalanyp, taýardy qolǵa alǵa kezde ǵana tólem jasańyz. Eger satýshy taýar úshin tolyq nemese ishinara aldyn ala tólemdi talap etse, ol birden kúmán týǵyzatyny anyq. Beıtanys adamdarǵa tólem júıeleri arqyly aqsha aýdarsańyz, olardy qaıtarý kepildigińiz joq ekenin este saqtańyz. Eger siz alaıaqtyqtyń qurbany nemese kýágeri bolsańyz, onda tez arada “102” telefony arqyly polıııaǵa habarlasyńyz.
Almaty qalasynyń turǵyny Eldar Qýanysh ınternet arqyly kıimge tapsyryp berip, 14 kúnnen beri taýarǵa qol jetkize almaı júrgenin aıtty. Bul jaǵdaı týraly mamandardyń pikirin surap bildik:
Aısana SMAN, zańger: “Internetten satyp alý týraly zańnama joq. Azamattyq kodekste de onlaın saýda erekshe atalmaǵan. Sondyqtan tutynýshy satyp alý kezinde barlyq jaǵdaıdy eskerý qajet”
Sáken ERLAN, SMM mamany: Siz izdegen saıtta shıfrlandyrýdy tekserýińiz kerek. Ondaı shıfrlandyrý bolmasa, siz nesıe kartańyzdyń nómirin, ásirese CVC kodyn jazbaýyńyzdy eskertemiz”.
Onlaın saýda ýaqytyńyz ben qarajatyńyzdy únemdeıtini ras. Dúkenderdiń senimdisin tańdap, saýda jasaý úshin qaýipsizdik sharalaryn eskergenińiz jón.
Aıaýlym ÁBILDA, "Adyrna" ulttyq portaly.
