Búgin kúndizgi saǵat 10:00-der shamasynda Túrkistan oblysy, Saıram aýdany, Aqsýkent qalasynyń Rýstemova kóshesindegi úıdiń artqy jaǵyndaǵy jaıaý júrginshiler kóshesiniń boıyna belgisiz adam jańa týylǵan tiri náresteni tastap ketkenin habarlaǵan edik.
Osy oqıǵadan keıin jýrnalıst, qoǵam belsendisi ári osy istiń kýágeri Rústem Ashetaev Saıram aýdanynyń ortalyq perzenthanasyna baryp, onyń meńgerýshisinen náresteniń jaı-kúıin bilip qaıtty.
-Náresteniń jaǵdaıy birqalypty. Ázirge ómirine eshqandaı qaýip kórip turǵan joqpyz, - deıdi Kenjebek Qudaıqul
"Jekeme asyrap alý jaıly surap jatqandarǵa aıtarym: bul máseleniń anyq-qanyǵy tergeý amaldary bitkennen keıin belgili bolady.
Ázirge, balany asyrap alý joldaryn Balalardyń quqyǵyn qorǵaý komıtetiniń 8 7172 74 19 32 nomerine jumys kúnderi habarlasyp bilseńizder bolady.
Náresteniń ómiri uzaq bolsyn!", - deıdi Rústem Ashetaev
Rústem Ashetaevtyń sábıdi taýyp alǵan sáti
Sondaı-aq ol náresteniń urlanyp ne basqadaı jaǵdaılar sebep bolýyna baılanysty bireýdi jamandaýdan aýlaq bolýǵa shaqyrdy. Tergeýdiń nátıjesi bar shyndyqty ashady deıdi.
"Adyrna" ulttyq portaly
