Bügın – Memlekettık rämızder künı. Osyǧan orai erıktılerdıŋ ūiytqy boluymen Şymkenttegı köpqabatty tūrǧyn üilerdıŋ qasbetterıne Memlekettık Tu ılındı.
«Nūrsät» şaǧynaudanyndaǧy köpqabatty üilerdıŋ tūrǧyndary būl igı ıske öz ülesterın qosyp, qoldau bıldırdı. Osylaişa, būl şara arqyly qala tūrǧyndary özderınıŋ rämızderge degen şeksız qūrmetın baiqatty. Aita keteiık, «Qazaqstan Respublikasynyŋ Memlekettık rämızderı turaly» Konstitusiialyq Zaŋ 2007 jyly 4 mausymda qabyldandy. Osy Zaŋǧa säikes jyl saiyn 4 mausym Qazaqstanda Memlekettık rämızder künı retınde merekelenedı.
Memlekettık rämızderdı qasterleu, qasietın bılu, ony jürekke toqu – otansüigıştıktıŋ belgısı. Qazaqstannyŋ ärbır azamaty Änūrandy jatqa aityp, Eltaŋbasynyŋ tarihyn tüsınıp, kök Tuyn mäŋgı jelbıretıp qoisa, mıne, osy – ūlttyq rämızderımızge degen orasan qūrmettıŋ belgısı bolmaq. Öitkenı ūlttyq aişyqty taŋbalar – elın süigen kez kelgen azamattyŋ namysyn köterıp, ruhyn asqaqtatatyn maqtanyşy.
Şymkent
