Ekı poliseidı qaǧyp öltırgen Azat Azamatovtyŋ äkesı Talǧan Mūqaşev qaza tapqandardyŋ otbasyna köŋıl aitty.
Ol "31 arnaǧa" bergen sūhbatynda ūly jol apaty bolǧan kezde polisiiada qyzmet etıp jürgenın aitty. Oǧan qosa mamyr aiynda aǧa leitenant şenın alǧan.
"Olar aqylǧa syimaityn mälımetterdı aityp jatyr. Ol jūmysyn dūrys atqarmasa, oǧan ne üşın alǧys hat berıp, aǧa leitenant şenın beredı? Ūlymdy naşar jūmys ıstedı, alqaş dep aiyptap jatyr. Oǧan osyndai aiyptar taǧylyp jatsa, basşylyq qaida qarady? Işetın adamǧa nege ışkı ıster organdarynda jūmys ısteuge rūqsat beredı?", - deidı poliseidıŋ äkesı.Äkesınıŋ aituynşa, ūly soŋǧy uaqytta qatty şarşap jürgen eken. Sebebı ūzaq uaqyt boiy demalyssyz jūmys ısteitın körınedı. Azat qaiǧyly oqiǧa bolatyn künı rölde otyryp ūiyqtap qalǧan boluy mümkın deidı. Sonymen qatar ärıptesterın qasaqana qaǧyp kettı degenge senbeitının aitty:
"Koronavirus bastalǧannan berı mülde demalǧan joq. 18-19 kün jūmys ıstedı. Jol apaty taŋǧy 5-te bolǧan, sol uaqytta ūiyqtap qalǧan boluy mümkın dep oilaimyn. Adam demalmai jūmys ıstese, rölde otyryp ūiyqtap qaluy mümkın. İä, ol zaŋ boiynşa jol apaty üşın jauap beruı kerek. Bıraq men onyŋ ärıptesterın qasaqana qaǧyp öltırdı degenge senbeimın."
