Eki polıeıdi qaǵyp óltirgen Azat Azamatovtyń ákesi Talǵan Muqashev qaza tapqandardyń otbasyna kóńil aıtty.
Ol "31 arnaǵa" bergen suhbatynda uly jol apaty bolǵan kezde polıııada qyzmet etip júrgenin aıtty. Oǵan qosa mamyr aıynda aǵa leıtenant shenin alǵan.
"Olar aqylǵa syımaıtyn málimetterdi aıtyp jatyr. Ol jumysyn durys atqarmasa, oǵan ne úshin alǵys hat berip, aǵa leıtenant shenin beredi? Ulymdy nashar jumys istedi, alqash dep aıyptap jatyr. Oǵan osyndaı aıyptar taǵylyp jatsa, basshylyq qaıda qarady? Ishetin adamǵa nege ishki ister organdarynda jumys isteýge ruqsat beredi?", - deıdi polıeıdiń ákesi.
Ákesiniń aıtýynsha, uly sońǵy ýaqytta qatty sharshap júrgen eken. Sebebi uzaq ýaqyt boıy demalyssyz jumys isteıtin kórinedi. Azat qaıǵyly oqıǵa bolatyn kúni rólde otyryp uıyqtap qalǵan bolýy múmkin deıdi. Sonymen qatar áriptesterin qasaqana qaǵyp ketti degenge senbeıtinin aıtty:
"Koronavırýs bastalǵannan beri múlde demalǵan joq. 18-19 kún jumys istedi. Jol apaty tańǵy 5-te bolǵan, sol ýaqytta uıyqtap qalǵan bolýy múmkin dep oılaımyn. Adam demalmaı jumys istese, rólde otyryp uıyqtap qalýy múmkin. Iá, ol zań boıynsha jol apaty úshin jaýap berýi kerek. Biraq men onyń áriptesterin qasaqana qaǵyp óltirdi degenge senbeımin."
