Ükımet "5-10-20" jobasyna "Nūrly jer" baǧdarlamasy aiasynda 390 milliard teŋge böludı maqūldady. 5 paiyz mölşerleme arqyly berıletın nesienı tek äkımdıktıŋ üi kezegınde tūrǧan baspanaǧa mūqtaj adamdar ǧana alady, degen jauap jazdy İndustriia jäne infraqūrylymdyq damu ministrlıgınıŋ baspasöz qyzmetı Tengrinews.kz tılşısınıŋ saualyna.
El prezidentı Qasym-Jomart Toqaev 11 mamyrda ötken memlekettık komissiianyŋ otyrysynda QR İndustriia jäne infraqūrylymdyq damu ministrlıgı halyqty üimen qamtamasyz etu üşın "5-10-20" nesielık baǧdarlamasyn bastaitynyn aitty.
"180 milliard teŋge äkımdıkterge obligasiialyq qaryz türınde kredittık tūrǧyn üi qūrylysyn qarjylandyruǧa jäne jalpy qūrylys salasyn qoldauǧa jäne halyqty jūmyspen qamtudy qamtamasyz etuge arnalǧan. Kezekte tūrǧan adamdar arasynda tūrǧyn üige qajettılıktı eskere otyryp, öŋırlerge bölınetın qarajattyŋ qosymşa limitterı belgılendı", - delıngen vedomstvonyŋ jauabynda.Anyqtama: - Almaty qalasyna 50 milliard teŋge, - Nūr-Sūltan qalasyna 40 milliard teŋge, - Şymkent qalasyna 20 milliard teŋge, - Türkıstan oblysyna 14 milliard teŋge - qalǧan öŋırlerge qalǧan 56 milliard teŋge. Būl körsetılgen qarajat tolyq kölemde öŋırlerge audarylyp, 138 jobany ıske asyru bastaldy. "5-10-20" arqyly nesie qūrylysy endı aiaqtalyp, paidalanuǧa berılgen jaŋa üilerdı aluǧa berıledı Halyqtyŋ tölem qabıletı sūranysyn qoldau üşın Ūlttyq banktıŋ qalǧan 210 milliard teŋge bölu (barlyǧy 390 milliard teŋge), baǧdarlamaǧa qajettı naqtylau engızu, sondai-aq potensialdy satyp aluşylarmen ırıkteu räsımderı boiynşa mäseleler pysyqtalyp jatyr. Būl qarajatqa äkımdıkterdıŋ kezekte tūrǧan adamdaryna "5-10-20" pilottyq jobasy boiynşa bastapqy tūrǧyn üi satyp alu üşın 10 paiyz bastapqy jarnasymen jyldyq 5 paiyzben qaryzdar berıledı.
"Būl qarjyǧa äkımdıkterde kezekte tūrǧan adamdar 10 paiyz alǧaşqy jarnasyn salyp, 5 paiyzdyq mölşerlememen qūrylysy endı aiaqtalyp, paidalanuǧa berılgen üidı ala alady. Iаǧni, būl joba boiynşa būryn paidalanuǧa berılgen (vtorichnoe jile) üiden satyp ala almaidy. Nesienı "Qazaqstannyŋ Tūrǧyn üi qūrylys jinaq bankı beredı". Jyl soŋyna deiın osynyŋ negızınde "Otbasy bankın" qoldau jäne damytu instituty qūrylady. Būl instituttyq qūrylymdy jaŋǧyrtu aiasynda ıske asyrylady", - dep jazdy İİDM baspasöz qyzmetı.Nesie tek äkımdıkte üi kezegınde esepke tūrǧan baspanaǧa mūqtaj adamdarǧa berıledı Sondyqtan üi alǧysy keletın azamattar äkımdıktıŋ kezegınde boluy kerek. Tızımde bar azamattar ǧana nesie aluǧa ötınış bere alady. Äkımdıkterdıŋ soŋǧy mälımetterıne süiensek, 540 myŋ adam üi aluǧa kezekke tūr. Al, būl joba aiasynda tek 18 myŋ adamǧa üi berıledı.
"Odan ärı esepke tūru kerek. Tūrǧyn üige mūqtaj retınde kezekke qoiu ortalyqtandyrylǧan jüie arqyly jürgızıledı. Tūrǧyn üi alu üşın nesie - barlyq qarjy qaitaryluy kerek. Būl mehanizm 18 myŋǧa tarta adamdy üimen qamtuǧa mümkındık beredı", - dep jazylǧan ministrlıktıŋ jauabynda."5-10-20" boiynşa üidıŋ baǧasy qandai bolmaq "Tūrǧyn üi qūrylys jinaq bankı" basqarma töraǧasy Liazzat İbragimovanyŋ aituynşa, nesienıŋ maksimal somasy är öŋırge bailanysty: Nūr-Sūltan, Almaty jäne osy qalalardyŋ şet aumaqtarynyŋ tūrǧyndary üşın 18 million teŋgeden aspaidy; Atyrau, Aqtau, Aqtöbe, Şymkent, Türkıstan jäne Qaraǧandy oblystarynyŋ tūrǧyndary üşın 15 million teŋgeden aspaidy; Qalǧan öŋırler üşın 12 million teŋgeden aspauy tiıs. Degenmen būǧan deiın qabyldanǧan "7-20-25" jäne "Baqytty otbasy" baǧdarlamalary jūmys ıstei beredı. Olarǧa qajettı qarjy qarastyrylǧan. Sondai-aq būl şaralar halyqty üimen qamtyp qoimai, käsıpkerlıktı damytyp, 15 myŋǧa juyq jūmys ornyn aşuǧa mümkındık beredı. "Nūrly jer" memlekettık baǧdarlamasyna tiıstı tüzetuler engızıp "5-10-20" ipotekasy jyl soŋynda ıske qosylady.
