«Turǵyn úı qurylys jınaq bankiniń» Shymkent qalalyq fılıaly “2-10-20” baǵdarlamasy boıynsha ótinimder 18 mamyr men 30 mamyr aralyǵynda qabyldanady. Qazir baǵdarlamaǵa qatysýshylar sanatyna ózgerister engizildi. Bul jóninde Shymkent qalalyq turǵyn úı jáne turǵyn úı ınspekııasy basqarmasynyń basshysy Ǵ. Tólepov aqparattyq-kommýnıkaııalyq ortalyǵynda ótken baspasóz brıfınginde málimdedi.
Bıyl “Baqytty otbasy” turǵyn úı baǵdarlamasy boıynsha baspanaly bolatyndar sany artatyny belgili. Sebebi, baǵdarlamaǵa qatysa alatyn azamattar sanaty artyp otyr.
Endi «2-10-20» baǵdarlamasyna turǵyn úıge muqtajdar esebinde kelesi sanattar boıynsha turǵan azamattar qatysa alady:
- "Altyn alqa", "Kúmis alqa" alqalarymen marapattalǵan nemese buryn "Batyr ana" ataǵyn alǵan, sondaı-aq I jáne II dárejeli "Ana dańqy" ordenderimen marapattalǵan kóp balaly analar, kóp balaly otbasylar;
- tolyq emes otbasylar;
- múgedek balalary bar nemese olardy tárbıelep otyrǵan januıalar bolýy tıis.
Al, nesıe somasynyń 10 paıyzy kólemindegi alǵashqy jarna bolǵan jaǵdaıda jylyna 2% mólsherlememen nesıe beriledi. Merzimi – 20 jylǵa deıin. Úıdi merziminen buryn satyp alý kezeńinde eń joǵarǵy qaryz somasy - 15 mln teńge.
Baǵdarlamaǵa qatysý úshin, QR azamaty bolýy shart jáne otbasynyń árbir múshesine shaqqanda aıyna kiretin tabys kózi eń tómengi kúnkóris deńgeıinen aspaıtyn bolýy kerek. Neke buzylǵan sátten bastap 3 jyldyq merzimniń ótýi jáne tólem qabilettiligin rastaýy men jergilikti atqarýshy organnyń kózdelgen sanattaǵy qatysýshylar boıynsha turǵyn úıge muqtaj adamnyń esepke qoıylýyn jáne turǵyn úıge muqtaj adamnyń mártebesin rastaýy bolýy shart.
Qajetti qujattar tizimi:
1) jeke kýálik (otbasy múshelerin kýálándyratyn qujattarynyń kóshirmeleri);
2) balalardyń týý týraly kýálikteriniń kóshirmeleri;
3) neke týraly nemese nekeniń buzylǵandyǵyn rastaıtyn kýálik;
4) tólem qabilettiligin rastaý úshin jumys ornynan sońǵy 6 aılyq kórsetkish.
Indýstrııa jáne ınfraqurylymdyq damý mınıstrligi óńirler boıynsha kredıt berý lımıtterin kezektegilerdiń sany men qaryzdyń eń joǵary somasynyń mólsherine qaraı barabar bólýdi kózdeıdi. Sondyqtan da
Turǵyn úı jáne turǵyn úı ınspekııasy basqarmasy kezekte turǵandardyń mártebesin tekserý arqyly Baǵdarlamaǵa qatysýshylarǵa jeke tizimderge sáıkes kezektilik tártibimen jáne ýákiletti organ belgilegen lımıtter sheńberinde Turǵyn úı qurylys jınaq bankisine usyný úshin joldama jiberedi. Turǵyn úı qurylys jınaq bankisi qatysýshylarǵa qatysty qaryzdardy resimdegeni úshin komıssııa almaıdy.
Qosymsha saýaldar týyndasa, call-ortalyǵynan keńes alýǵa bolady, telefony – 39-23-68. Ótinimder elektrondy túrde "Shymkent-baspana.kz" saıtynda qabyldanady.
Shymkent
