Meırambek Besbaev: 42 myń teńgege qyrylyp qalǵan basqa ultty kórgen joqpyn (vıdeo)

4269

Ánshi Meırambek Besbaev Almaty.tv kanalynyń «Shynaıy Aqberenmen» baǵdarlamasynda ózin alańdatyp júrgen  máseleler jaıynda suhbat berdi. Utys oıynyn ótkizgen Ernar Aıdarǵa arasha túskeni, óziniń atqaryp júrgen qyzmeti jaıynda da sóz etti.

Ol búginde bılikten kómek surap, 42 myń járdemaqy úshin talasyp jatqan basqa ultty kórmedim deıdi. Qazaq tili tóńiregende de kókeıindegisin aıtty.

«Bir kóshede eki baı turyp, jaǵdaıy tómen kórshisine qaraılamaǵanyna meniń júregim aýyrdy. Búginde kómekti surap jatqan tek qana qazaqtar. Onyń bir sebebi, jalqaýlyq pa dep oılaımyn. Qanymyzda bar. Men alysqa ketpeı-aq qoıaıyn, ózim de jalqaýmyn. Aspannan bireý ákelip berý kerek bizge. Bolmasa tirep turǵan tanysymyz bolý kerek. Jumys istemeımiz. Meniń mańaıymdaǵy týysqandarym da jalqaý bolyp ketti. Bilimge umtylmaıtyn, qur jata beretin inilerim kóp. Eń bolmasa, 42 myń teńgege qyrylyp qalǵan basqa ultty kórgen joqpyn. Biz ábden kókirektenip ketkenbiz. Men qazaqpyn, men ulymyn dep aıtyp jatamyz. Sóz joq - ulymyz, dana halyqpyz. Biraq, HHI ǵasyrda qashanǵa deıin kókirek uryp otyra beremiz? Emdeleıik, boldy ǵoı endi…», – dedi Meırambek Bespaev

Pikirler
Redakııa tańdaýy