QazUÝ-da ustaz bolý – ekiniń birine buıyra bermeıtin baq

4319
Adyrna.kz Telegram

Bakalavrda oqyp júrgeni kezimizde bir sabaqtan magıstranttar sabaq berse, olarǵa qyzyǵa qaraıtynbyz. Qazir – ózimiz magıstrantpyz.

Birinshi semestrde Joǵarǵy mektep pedagogıkasy páni ótilip, joǵary oqý ornynda sabaq berý, ondaǵy qoldanylatyn pedagogıkalyq amal-ádister, pedagogtyń quzirettiligi, ol qandaı bolý kerek degen syndy suraqtarǵa jaýap aldyq. Ekinshi semestrde bakalavr bólimindegi stýdentterge dáris, semınar sabaqtaryn júrgize bastadyq.

Pedpraktıka qalaı ótti? Stýdenttermen tanysyp, olardyń aldynda ózińdi oqytýshy retinde ustaý osy kezge deıin alǵan bar bilimińdi qorytyp, ony ortaǵa salýyńdy talap etedi. Sebebi, óziń bilý – bir bólek dúnıe de, ony basqalarǵa úırete, túsindire bilý úlken eńbekti, tájirıbeni, ıkemdilikti qajet etedi.

1-kýrs stýdentterine «Leksıkologııa» páni boıynsha sabaq berý barysynda sabaqty uıymdastyrý, tekserýden bastap, qorytyndy kezeńine deıin qalaı ótkizý kerek degen máseleni eske túsirdik. Sebebi, bir elý mınýtta dáris oqyp, bir elý mınýtta barlyq stýdentti qamtyp semınar sabaǵyn júrgizý ońaı emes. Tipti stýdentterdiń bilimin tekserip, olardy durys baǵalap úırený kerek.

Stýdentterge sabaq berý barysynda pedagogıkadan alǵan barlyq bilimdi eske túsirip, ony is júzinde qoldandyq. Stýdentterge qyzyq ári túsinikti bolý úshin sabaqty túrli ádis-tásilder arqyly óttik. Bundaı amal – ýaqytty durys baǵamdap, sabaqty durys uıymdastyra bilýge kómektesti. SÓJ tapsyrmalaryn tekserip, ár balanyń jeke qyzyǵýshylyǵyna, shyǵarmashylyq múmkindigine baılanysty tapsyrma berýge tyrystyq. Sabaq qanshalyqty qyzyqty, júıeli bolsa, stýdentterdiń ynta-nazary sende bolyp, tapsyrmany qushtarlyqpen, qyzyǵýshylyqpen oryndaıtyndyqtaryna kózimiz jetti. Demek, naǵyz pedagog – sabaqty túrli formatta, túrli kórnekilikterdi qoldana arqyly ótkize biletin óz isiniń mamany.

Qazir elimizdegi jaǵdaıǵa baılanysty pedpraktıka onlaın formatta júrip jatyr. Ár nársege oń kózben qaraı bilý kerek. Sebebi, bul kúnge deıin qashyqtan oqytý júıesi týraly estisek te, onyń dál qalaı ótetini týraly bilmeıtinbiz. Qazir ózimiz solaı oqyp, artyqshylyqtaryn kórip jatyrmyz. Endi ashyq semınar sabaqtar sabaqtaryn onlaın formatta ótkizýdi josparlap otyrmyz.

Pedagog bolý ońaı dúnıe emes. Sonyń qyr-syrlaryn úıretip, bizge oqytýshy bolyp kórý múmkindigin syılaǵan oqý orynymyz QazUÝ-ǵa, ustazdarymyzǵa alǵysymyz sheksiz!

Óteýlınova Ańsaǵan

Ál – Farabı    atyndaǵy  qazaq ulttyq  ýnıversıteti

           Fılologııa   jáne    álem tilderi fakýltetiniń

                                                   1-kýrs  magıstranty

Kýrator-edvaızeri fılologııa ǵylymdarynyń kandıdaty, doent L.T.Álimtaeva

Pikirler