Sońǵy derekter boıynsha Italııada koronavırýs ınfekııasynan 1060 adam kóz jumǵan.
Bul týraly beısenbi kúni Italııanyń Azamattyq qorǵanys qyzmetiniń basshysy Andjelo Borrelı aıtty. Bul sársenbi kúngi kórsetkishtermen salystyrǵanda 189 adamǵa kóp. Bul týraly ANSA saıty habarlady.
Onyń aıtýynsha, qazirgi kezde Italııada koronavırýs ınfekııasyn juqtyrǵandar sany 12 839 adam, bul sársenbi kúngi kórsetkishke qaraǵanda 2249 adamǵa kóp, al 1258 adam jazylyp shyqqan.
Al vırýsty juqtyrǵan, odan kóz jumǵan jáne jazylyp shyqqandardyń jalpy sany 15 113.
Kórsetkishterge qaraǵanda 6 896 jaǵdaı Lombardııada tirkelgen, 774 adam kóz jumǵan. Emılııa-Romanıa aýdanynda 1758 jaǵdaı tirkelip, 146 adam kóz jumǵan.
Buryndary habarlanǵandaı Italııada azyq-túlik dúkeni men dárihanalardan basqa barlyq dúkender jabylǵan.
