Búgin Aqparattyq kommýnıkaııalar ortalyǵynda Shymkent qalasy Polıııa Departamentiniń bastyǵy, polıııa polkovnıgi Eraly Jumahanbetovtyń qatysýymen tótenshe jaǵdaı kezinde qaladaǵy qaýipsizdikti qamtamasyz etý boıynsha onlaın-brıfıng ótti.
Departament basshysynyń málimdeýinshe, qazirgi tańda karantınge baılanysty qalada 2000-nan astam adam táýlik boıy 3 aýysymda qyzmet etýde. Oǵan 1206 polıııa qyzmetkeri, №35748 Áskerı bóliminiń 196 sarbazy, 559 Ulttyq Ulan sarbazy jáne 216 medıına mamandary jumyldyrylǵan. Aıta keterligi, jyl basynan qala aýmaǵynda jalpy qylmystyń sany 17%-ǵa, tótenshe jaǵdaı kezinde 39%-ǵa azaıyp otyr.
- Koronavırýs indetiniń aldyn alý baǵytynda polıeıler tarapynan úgit-nasıhat jáne túsindirý jumystary kúsheıtildi. Qalada qaýipti indetke oraı 60 oshaq pen 6 provızorlyq ortalyq bar. Kósheler men qıylystarda 20 buǵattaý beketi qoıylyp, oǵan 300-deı polıııa qyzmetkeri jumyldyryldy. Kólikter men azamattardyń qozǵalysy qyzmettik planshetterdiń kómegimen qatań tekserilip jatyr. Ruqsaty joq avtokólikterdiń qozǵalysyna jol berilmeýde, - dep atap ótti Polıııa departamentiniń basshysy.
Eraly Jumahanbetov atap ótkendeı, Shymkenttiń kireberisterindegi 18 blok-bekette búginde 195 polıııa qyzmetkeri jumyldyrylǵan. Osy kúnge deıin blok-beketterden jalpy 67367 avtokólik (47836 azamat) tekserilgen. Onyń ishinde qaladan shyqqan 12130 avtokólik (16289 azamat); qalaǵa kirgen 20803 (26962 azamat); tranzıt 2790 (4585 azamat) tekserilip ótkizilgen; ruqsaty joq 31653 avtokólik ótkizilmeı, qaıtarylǵan.
Tótenshe jaǵdaı kezeńinde, qoıylǵan shekteýler men sanıtarlyq talaptardy saqtamaǵany úshin 869 tulǵaǵa ÁQBtK-niń 476-babymen ákimshilik hattama toltyrylǵan. Onyń 354-i boıynsha Mamandandyrylǵan ákimshilik sotymen sheshim qabyldanyp, 76 jaıt boıynsha tulǵalar ákimshilik qamaýǵa alynǵan, 127 tulǵaǵa aıyppul salynǵan, 151 tulǵaǵa eskertý berilgen. Sondaı-aq tótenshe jaǵdaı kezeńinde 6 qylmystyq is tirkelgen.
Brıfıngte Eraly Musaáliuly qalada ruqsat alǵan avtokólikterdiń ıeleri jáne azamattardyń basym bóligi tótenshe jaǵdaıǵa nemquraıly qarap jatqanyn da tilge tıek etti.
- Monıtorıng júrgizý barysynda kóshede beıbereket júrgender, kópqabatty úılerdiń aýlasynda balalary betperdesiz jáne ata-ana qaraýynsyz júrgenderi anyqtalýda. Osy oraıda, qala turǵyndaryna aıtarymyz, polıııa tarapynan aıtylǵan talaptardy oryndaýǵa shaqyramyn. Qabyldanyp jatqan sharalar eń aldymen indettiń taralýyna jol bermeýge jáne azamattardyń ómiri men densaýlyǵyna qaýip tóndirmeýge baǵyttalǵan. Azamattardyń tarapynan quqyqbuzýshylyqtar oryn alǵan jaǵdaıda QR ÁQBtK-niń 476-baby boıynsha ákimshilik shara qoldanylady. Syn saǵatta birlese otyryp, kúsh-jigerimizdi jumyldyrsaq, bul indetti jeńip shyǵamyz, - dedi E. Jumahanbetov.
Shymkent
