Búgin aqparattyq-kommýnıkaııalyq ortalyǵynda tótenshe jaǵdaı kezinde kommýnaldyq qyzmetterdi jetkizýshilerdiń shyǵyndaryn óteý, karantın ýaqytynda turǵyn úıge onlaın qujat rásimdeý, sondaı-aq ataýly áleýmettik kómek pen 42 500 teńge áleýmettik kómek alý boıynsha onlaın-brıfıng ótti.
Brıfıng barysynda Shymkent qalasy ákiminiń orynbasary Nursadyq Ergeshbek karantınge baılanysty halyqtyń jekelegen sanattarynyń kommýnaldyq shyǵyny úshin beriletin 15 myń teńgege qatysty qala turǵyndarynyń suraqtaryna jaýap berdi.
- Prezıdent tótenshe jaǵdaı men karantın ýaqytynda turǵyndardyń kommýnaldyq qyzmetke tóleıtin aqysynyń mólsherin azaıtý boıynsha júıeli sharalardy ázirleýdi tapsyrdy. Ótemaqyny alatyndardyń qatarynda múgedekter, múgedek balalardy tárbıelep otyrǵan otbasylar, kópbalaly januıalar, soǵys ardagerleri, jalǵyzbasty zeınetkerler t.b sanattaǵy azamattar bar. Ol sanattar boıynsha qalada jalpy 100 308 adam úmitker. Naqty abonenttik shoty bar adamdardyń sany qazir anyqtalýda. Ótinimderdi qabyldaý boıynsha communal-komek.kz elektrondyq portaly quryldy, onda kómek alý sharttary kórsetilgen. Kómek kórsetý sáýir jáne mamyr aılaryn qamtıdy, - dedi qala ákiminiń orynbasary.
Sondaı-aq brıfıngte qalalyq turǵyn úı jáne turǵyn úı ınspekııasy basqarmasynyń basshysy Ǵalymjan Tólepov elimizdegi tótenshe jaǵdaıǵa baılanysty azamattardyń turǵyn úı kezegine egov.kz portaly arqyly tirkelý múmindigi bar ekenin, qosymsha aqparat alý úshin 56-62-89 nómirine habarlasý kerektigin aıtty.
Al jumyspen qamtý jáne áleýmettik qorǵaý basqarmasy basshysynyń m.a. Janat Ótebaeva qazirgi deıin qala boıynsha 228 223 azamatqa 42 500 teńge kóleminde áleýmettik kómek taǵaıyndalǵanyn atap ótti. Sondaı-aq ol ataýly áleýmettik kómek boıynsha atqarylyp jatqan jumystardy baıandap, qujattardy onlaın túrinde rásimdeý tártibin túsindirdi.
Baspasóz máslıhaty Facebook áleýmettik jelisinde (Shymkent Aqparattyq Kommýnıkaııalyq Ortalyq paraqshasynda) tikeleı efırde kórsetilip, birqatar mańyzdy saýaldarǵa jaýap berildi. Barlyq kelip túsken saýaldarǵa jazbasha túrde jaýap jiberiletin bolady.
Shymkent
