Redakııamyzǵa Densaýlyq saqtaý mınıstri Eljan Birtanovqa joldanǵan hat kelip tústi. Biz hatty qaz-qalpynda jarııalap otyrmyz.
"Salamatsyz ba Eljan Amantaıuly!
Men Qaraǵandy qalasynyń turǵyny Shegebaeva Pernekúl bolamyn. Men óz basymdaǵy bolyp jatqan jaǵdaı týraly aıtaıyn dep edim. Sizge dárigerler tarapynan bolǵan qatelikti aıtpaqshymyn.
Dárigerlerdi adam janynyń arashashysy, aq halatty abzal jandar dep bilemiz , biraq kazirgi ýaqyttaǵy isterine karap múlde kerisinshe oıǵa qaldym.
Qantar aıynda bolnıada uzak ýaqyt pankreatıt, gastrıt dıagnozymen emdelip , dıeta saqtap júrgen edim. 30 naýryz kúni qaıtadan aýyryp 31 naýryzda aqyly gastretolog dárigerge kórindim. Ol kisi analız tapsyryp 3 sáýir kúni kaıtadan kelýim kerektigin aıtty jáne dári , sıstema jazyp berdi.
Birinshi sáýir kúni medsestrany úıge shaqyryp sıstema almaqshy boldym. Sol kezde temperatýram 37, 2 boldy. Medsestra "skoryı shakyrý kerek, sizdi tekseredi de qaıtarady" degen soń jedel járdemdi shaqyrttyq. Meni Krıvogýzova kóshesindegi 10 aýrýhanaǵa ákeldi. Meniń erteńinde kyzýym bolǵan joq. Men dáriger Sergeı Saıdovıchke jaǵdaıym , ıaǵnı ishetin dári , alatyn sıstema jáne gastretologtyń qabyldaýynda bolýym kerektigin aıttym, biraq ol kisi "dárilerdiń bárin aldyr sıstemany 14 kúnnen keıin alasyz" dedi.
Men dıeta saqtap júrgendikten 2 saǵat saıyn kishkene ǵana azdap qana tamaq ishemin. Endi mine 11 kún boldy ne dene kyzýym bolǵan emes , ne jótel joq , biraq meni shyǵarmaı otyr. Bizdi emdeıtin dáriger "bizge osyndaı buıryq keldi, biz ony oryndaımyz" deıdi. Sonda ol adamdardyń júregi aýyra ma, búıregi aýyra ma? Álde basqa jeri aýyra ma, báribir dene qyzýy bolsa boldy, 14 kún karantınge jap dep buıryq berdińiz be? Halyqtyń kamyn kim oılaıdy ? Osy keleńsiz jaǵdaıdy sheshesiz dep oılaımyn. Sizden jaýap kútemin".
Sizge degen qurmetpen Shegebaeva Pernekúl
Redakııadan: Qaraǵandy oblysynda osyǵan uqsas taǵy bir jaǵdaı shyǵyp otyr. Skandal_krg ınstagram paraqshasy Temirtaý qalasynyń aýrýhanasynda jatqan naýqastyń vıdeosyn jarııalady. Koronavırýsqa test tapsyryp, aýrý belgileri anyqtalmasa da qamaýda ustap otyr dep shaǵymdanady beınede er adam.
https://www.instagram.com/p/B-3snvRHTFb/?igshid=18ce6cj85rj4z
