QR Syrtqy ister mınıstrligi «Aq jol» partııasynyń usynysyn BUU-nyń jemqorlardyń ofshorlarǵa jibergen halyq aqshasyn qaıtarý jónindegi arnaıy jumys tobyna qarastyrýǵa jiberetin bolady. Bul týraly QR Syrtqy ister mınıstri M.Tileýberdi partııa tóraǵasy A.Perýashevtiń hatyna joldaǵan jaýabynda habarlady.
Belgili bolǵandaı, osy jyldyń basynda Birikken Ulttar Uıymy jemqorlardyń ofshorlarǵa shyǵarǵan halyq aqshasyn qaıtarý jónindegi arnaıy toptar quratyny týraly jarııalaǵan bolatyn.
Osyǵan oraı, «Aq jol» QDP depýtattyq frakııasy QR SIM-ne BUU-nyń quryp jatqan mundaı arnaıy toptaryn múmkindiginshe paıdalanýdy, ıaǵnı toptardy qurýǵa belsene qatysýǵa, sondaı-aq onyń jumysyna Parlament depýtattaryn, osy salada tájirıbesi bar «Aq jol» Demokratııalyq partııasynyń da ókilderin qatystystyrýdy usynǵan bolatyn.
Partııanyń osy jyldyń 5 aqpanynda jasaǵan depýtattyq saýalynda «Jemqorlyqty joıý jáne halyqtan urlanǵan mıllıardtaǵan qarajatty elge qaıtarý «Aq jol» Demokratııalyq partııasynyń basym baǵyttarynyń biri. 2012 jyldan bastap partııa bul máseleni onnan asa depýtattyq saýaldaryna arqaý etti. «Aq jol» QDP frakııasy Kıprden (2013 jyly), Shveıarııadan (2015 jyly), «Panama tizimi» (2016 jyly) jáne «Raıskoe dose» (2017 jyly) jaǵdaılary boıynsha qazaqstandyq qarajattyń elge qaıtarylýynyń naqty máselelerin kóterip keledi» dep atap ótilgen.
A.Perýashev «Aq jol» Demokratııalyq partııasynyń depýtattary ofshorlarǵa shyǵarylǵan halyq aqshasyn qaıtarý máselesin memlekettik organdarmen ǵana emes Evroparlament múshelerimen jáne Brıýssel, ıýrıh, Pekın, Rıga, Sıngapýr jáne taǵy basqa elderdegi áriptesterimen ótken kezdesýlerde talqylaǵanyn da jetkizdi.
Aǵymdaǵy jyldyń 16 naýryzy kúni A.Perýashev QR SIM-ne qurylatyn Joǵary deńgeı toby erejeleriniń proedýralary jobasy boıynsha óziniń usynystaryn joldady. Onyń oıynsha, atalǵan jobaǵa qarjylyq esepten bólek jemqorlardyń halyqtan zańsyz urlaǵan qarajattaryn anyqtaý jáne olardy shyǵarý joldaryna tosqaýyl qoıý, sonymen birge mundaı aqshalardyń elge qaıtarylý joldary men naqty is-sharalaryn ázirleýdi engizý qajet.
«Aq jol» partııasynyń jetekshisi «Qazir dál osy baǵyttaǵy másele mańyzdy. Keıbir elderdiń halyqtan urlanǵan qarajattardy, sol halyqqa qaıtarýǵa qyzyǵýshylyq tanytpaıtyny baıqalady» - dep sanaıdy. Osyǵan oraı, ol «Maqsattar», «Top sheńberinde bolýy qajet:», «Paneldik pikirtalas qatysýshylarynyń róli» taraýlaryna tıisti usynystardy engizýdi usyndy.
QR SIM-nen kelip túsken hatta BUU-nyń atalǵan Jumys toby 15 adamnan qurylatyny belgili boldy. Qatysýshylardyń tepe-teńdigin saqtaý maqsatynda Azııa – Tynyq muhıty aýmaǵynan 3 qatysýshy ǵana Jumys tobyna kiredi.
«Osyǵan oraı, Top quramyna qazaqstandyq ókilderdiń engizilýi múmkin emes» - dep habarlaıdy QR Syrty ister mınıstri M. Tileýberdi.
Alaıda, QR Syrtqy ister mınıstrlgi Top qyzmetiniń jumysyn qadaǵalaı otyryp, Qazaqstan tarapynyń usynystaryn Toptyń qaraýyna jiberýdi jalǵastyrady dep atap ótti.
"Adyrna" ulttyq portaly
