Omarhan Óksikbaev: Elbasy maqalasy el eńsesin kóteredi

2417
Adyrna.kz Telegram

Parlament Májilisiniń depýtaty Omarhan Óksikbaev Qazaqstannyń Tuńǵysh Prezıdenti – Elbasy Nursultan Nazarbaevtyń «Birlese bilgen el bárin jeńedi» atty maqalasyna qatysty pikirin bildirdi, dep habarlaıdy QazAqparat tilshisi.

«Elbasynyń maqalasyn muqııat oqyp shyqtym. Nursultan Nazarbaev taǵy da halqymen birge ekenin kórsetip otyr. Qazirgi tańda álemdi sharlap ketken koronavırýs dertiniń qaterli ekenin, ol Qazaqstanǵa ǵana emes, búkil memleketterge qaýip tóndirip jatqany aıtylyp otyr. Búgingi tańda Elbasy halyqqa biz birge bolsaq, tártipti el bolsaq, jumyla kótergen júk jeńil túsetinin jetkizdi. Eń bastysy qıynshylyqty jeńe alatyn sarabdal saıasat pen tıisti qordyń barlyǵy da umyt qaldyrylmaı, memlekettiń qaýqary, qarjylyq múmkindiktiń baryn, ekonomıkanyń turaqtylyǵyn kórsetti», - dedi Omarhan Óksikbaev QazAqparat tilshisine telefon arqyly aıtqan pikirinde.

Májilis depýtatynyń aıtýynsha indetti eńserý maqsaty – memleket pen Úkimet qolǵa alǵan sharalardan bólek halyqtyń birligin de talap etedi. «Táýelsizdikpen birge týǵan jastardyń kúsh-qaıratyn kórsetip, múmkinshiligin tanytatyn, úlkenderdiń jastarǵa aqyl aıtyp, parasattylyqqa shaqyryp, el birligin tanytatyn kezeńniń kelgenin kórsetti. Qıyn kezeńde elge qol ushyn sozǵan kásipkerlerimizden bastap ár salada aldyńǵy qatarda júrgen azamattarymyzdyń eńbegi erekshe atalyp ótti.

Bul maqala - halqymyzdy sabyrǵa shaqyratyn, eldigimizdi saqtaýda bas qosý kerektigin basa aıtqan, unjyrǵamyzdy túsirmeı, eńsemizdiń kóterip, qazaqtyń basynan ótetin bul da bir kezeń ekenin eske salyp otyr dep aıtar edim», - dep túıdi Májilis depýtaty. Eske sala ketsek búgin tańerteń QR Tuńǵysh Prezıdenti – Elbasy Nursultan Nazarbaevtyń «Birlese bilgen el bárin jeńedi» atty qazaqstandyqtarǵa úndeýi jarııalanǵan edi.

QazAqparat

Pikirler