Qazaqstan Prezıdenti Qasym-Jomart Toqaev Densaýlyq saqtaý mınıstrligine qarasty Masǵut Aıqymbaev atyndaǵy Asa qaýipti ınfekııalar ulttyq ǵylymı ortalyǵy men Bilim jáne ǵylym mınıstrligine qarasty Ulttyq bıotehnologııa ortalyǵynyń ujymdaryna quttyqtaý hat joldady, dep habarlaıdy Aqordanyń baspasóz qyzmeti.
«Ǵylymı ınstıtýttardyń ujymdaryn COVID-19 koronavırýsyn anyqtaýǵa arnalǵan dıagnostıkalyq test júıesin ázirleýimen quttyqtaımyn! Asa qaýipti ınfekııalar ulttyq ǵylymı ortalyǵy men Ulttyq bıotehnologııa ortalyǵynyń ǵalymdary halyqaralyq standarttarǵa saı keletin qajetti test júıesin qysqa merzimde jasap shyqty. Sizderdiń jetistikterińiz otandyq bıomedıına salasynyń básekege qabilettiligi joǵary ekenin kórsetedi. Álemge taraǵan koronavırýs indetine qarsy kúres júrip jatqan kezde bul jańalyqtyń usynylýy óte mańyzdy bolyp otyr. Ázirlengen test júıesi myńdaǵan azamatymyzdyń ómiri men densaýlyǵyn saqtap qalýǵa kómektesedi dep senemin», - dep jazylǵan Memleket basshysynyń quttyqtaý hatynda.
Qasym-Jomart Toqaev eki ǵylymı ortalyqtyń el ıgiligi jolyndaǵy jumystaryna tabys tilep, alǵys bildirdi.
