Q.Óskenbaev: Satyp alynǵan bıletter quny tolyǵymen qaıtarylady

2728
Adyrna.kz Telegram

QR Indýstrııa jáne ınfraqurylymdyq damý birinshi vıe-mınıstri Qaıyrbek Óskenbaev «COVID-19» koronavırýstyq ınfekııasyn taratpaý baǵytynda atqarylyp jatqan jumystar týraly aıtyp berdi. 

Vıe mınıstrdiń dereginshe, qazirgi kezde temirjol salasynda 125 myń, áýe qatynasynda -  20 myń, qurylysta - 600 myń adam jumys isteıdi. Olar jumystan qysqartylmaıtyn kórinedi.

Indýstrııa jáne ınfraqurylymdyq damý mınıstrligi «Qazaqtelekom» AQ-men birlesip, «Kólik baǵyttarynyń onlaın kartasyn» ázirlegen. Osy kartanyń kómegimen onlaın rejimde kólik qatynastaryn qarap otyrýǵa bolady. Karantın engizilgen qalalar qyzyl túspen belgilenipti.

Vıe mınıstrdiń aıtýynsha, temirjol qatynasynda jolaýshylardyń júrýi  toqtaǵan, biraq júk tasymaly bola beredi.
"Temirjol kóligi salasynda el aýmaǵynda tótenshe jaǵdaı jáne jekelegen qalalarda karantındik rejim engizilgen sátten bastap Qazaqstan aýmaǵyna baǵyttalǵan kórshi temirjol ákimshilikteriniń barlyq halyqaralyq poıyzdary, «QTJ» UK» AQ halyqaralyq jolaýshylar jáne qalamańy poıyzdary toqtatyldy.
Elimiz boıynsha qaterli dertti juqtyrǵandar sanynyń artýyna baılanysty ákimdikter temirjolmen turǵyndar qozǵalysyn qosymsha shekteý boıynsha sharalar qabyldady. Temirjol sharýashylyǵy qyzmetkerlerin tasymaldaýǵa arnalǵan poıyzdardy qospaǵanda Qazaqstan aýmaǵynda qatynaıtyn barlyq temirjol jolaýshylar poıyzdary toqtatyldy. Jalpy alǵanda, 133 jup jolaýshylar jáne qalamańy poıyzdarynyń júrýi shektelip, qalǵan 24 poıyz boıynsha barynsha saqtyq sharalary qabyldanady. Habarlasqan kúnine qaramastan jolaýshylarǵa satyp alǵan bıletteriniń quny tolyq kólemde qaıtarylady, - dep atap ótti.

Al avtomobıl kóliginiń barlyq túrlerimen Qytaı, Reseı, Qyrǵyzstan, Ózbekstan jáne Mońǵolııamen ekijaqty jolaýshylar jáne júk tasymaldaý, onyń ishinde 117 turaqty baǵyt, sondaı-aq tranzıttik jolaýshylar tasymaly toqtatylǵan. Biraq, bul tyıym sanıtarlyq-epıdemıologııalyq talaptardy saqtaı otyryp, júzege asyrylatyn halyqaralyq qatynastaǵy júk avtokóligi quraldarymen júk tasymaldaýǵa taralmaıdy.

Óskebaev óńirlerde karantın engizilgenge deıingi jáne odan keıingi avtomobıl kóligimen jolaýshylar tasymaldaýdy shekteý boıynsha usynystar berilgenin habarlady. "Ol avtovokzaldar, avtobeketter men jolaýshylarǵa qyzmet kórsetý tirekteri jumysyn, qalalyq tasymaldy qospaǵanda avtokólikpen jolaýshylar tasymalynyń barlyq túrin toqtatý; turaqty qalalyq jáne qalamańy avtobýs tasymalyn 50%-ǵa jáne odan kóp kólemde, sondaı-aq olardyń turaqtylyǵyn shekteý; turaqty qalalyq jáne qalamańy avtobýs tasymalynyń kún saıynǵy jumys ýaqytyn karantın engizilgen óńirlerde saǵat 19-00-ge deıin, ózge óńirlerde saǵat 21-00-ge deıin shekteý; qalalyq jáne qalamańy tasymalyndaǵy avtobýs salondarynda dezınfekııa jasaý jıiligin arttyrý, qalaishilik taksı tasymalyn shekteý sııaqty sharalardy qarastyrady", - dedi vıe mınıstr.

Sondaı-aq, teńiz kóligi boıynsha 5 naýryzdan bastap Irannan keletin júk avtokólik quraldaryn Aqtaý jáne Quryq porttary arqyly ótkizý toqtatylǵan.

"16 naýryzdan shetelderden qaıtyp kele jatqan qazaqstandyq azamattardy qospaǵanda Aqtaý jáne Quryq porttary arqyly jolaýshylar tasymaldaý tolyqtaı toqtatyldy. Sondaı-aq, teńiz porttaryna kirý kezinde shet el kemeleriniń ekıpaj músheleriniń jaǵaǵa shyǵýyna tyıym salyndy. Búgingi tańda porttarda sanıtarlyq-epıdemıologııalyq talaptardy kúsheıtý boıynsha qosymsha sharalar qabyldanyp jatyr. Portqa keletin júk avtokólikteriniń barlyǵyna dezınfekııa júrgiziledi. Mańǵystaý oblysy ákimdiginiń sheshimine sáıkes aǵymdaǵy jylǵy 1 sáýirden bastap porttardan shyǵatyn tranzıttik júk avtokólikterin shekaraǵa deıin shyǵaryp salady", - dep atap ótti.

"Adyrna" ulttyq portaly

Pikirler