«Sergek» kameralary jol erejesın būzuşylarmen qatar karantin kezınde tötenşe jaǧdai rejimın saqtamaǧandardy da qadaǧalap otyrady. Būl turaly Nūr-Sūltan qalalyq polisiia departamentı mälımdedı, dep habarlaidy QazAqparat.
«Tekseru jürgızuşıge qatysty jürgızıledı. Kölıktı toqtatqan kezde polisiia qyzmetkerlerı «Sergek-patrul» bazasyna jürgızuşı men kölıktıŋ mälımetterın, atap aitqanda JSN, kölıktıŋ memlekettık nomerın jäne jürgızuşınıŋ aituynşa onyŋ tūrǧylyqty jäne jūmys ornynyŋ meken-jaiyn tırkeidı», - dedı vedomstvo.
Al däl sol jürgızuşını kelesı joly toqtatyp, tekseru barysynda aqparattyq bazada tırkelgen mälımetter sai kelmese, onda ol jazaǧa tartylady.
Būl rette eger jürgızuşı azyq-tülık nemese därı-därmek aluǧa barǧan bolsa, onda QR Äkımşılık qūqyq būzu turaly kodekstıŋ 476-babymen (Tötenşe jaǧdai rejimın būzu) äkımşılık jauapkerşılıkke tartylmaidy.
«Bırınşı ret eskertu berıledı. Al ekınşı ret Nūr-Sūltan qalalyq mamandandyrylǧan audanaralyq äkımşılık sotynyŋ şeşımıne säikes, 10 AEK-ten 15 täulıkke deiın jaza qarastyrylǧan. Nūr-Sūltan qalasynyŋ polisiia departamentı tötenşe jaǧdai rejimın būzbaudy jäne ony saqtaudy eskertedı» dep atap öttı departament.
Ūqsas jaŋalyqtar
