Qazir dárigerler tórt aýysymmen jumys istep jatyr. Eki-úsh aıda olardyń jalaqysyn kóterý josparlanyp otyr
Densaýlyq saqtaý mınıstrligi koronavırýspen kúreske jumyldyrylǵan dárigerlerdiń jalaqysyn eki-úsh esege kóteredi. Bul týraly vedomstvonyń resmı ókili Dıas Ahmetshárip málimdedi.
Ol tótenshe jaǵdaıǵa baılanysty aq halattylardyń jumys kestesi ózgergenin atap ótti. Qazir dárigerler tórt aýysymmen jumys isteıdi.
"Mınıstrlik tarapynan tolyqqandy qoldaý bar. Mınıstrdiń buıryǵy bar, alǵy shepte júrgen dárigerlerge eki-úsh aıda jalaqysyn 2-3 ese kóterý qarastyrylyp otyr," - dedi Ahmetshárip ulttyq arnadaǵy "Ashyq alań" baǵdarlamasynda.
Sońǵy derek boıynsha, Qazaqstanda 27 adam koronavırýs juqtyrdy. Onyń 13-i Almatyda, qalǵan 14-i Nur-Sultan qalasynda.
Aıta ketsek, indetke shaldyqqandar arasynda eki jasar sábı de bar.
1536 adam staıonarlyq karantınde, al 1094 adam úı karantınine alynǵan.
Koronavırýstyń aldyn alý maqsatynda elimizde 16 naýryz tańǵy saǵat 08.00-den bastap tótenshe jaǵdaı rejımi jarııalandy. Ol 15 sáýir tańǵy 07.00-ge deıin kúshinde bolady.
