Japonııa álemge COVID-19-dy birneshe mınýtta anyqtaı alatyn ekspress-testti usynýǵa daıyn.
Bul týraly "Habar 24" Jedel shtabtyń telegram kanalyna silteme jasap habarlady.
Bul elde 13 mamyrda 15 mınýttyń ishinde paıentten jańa túrdegi koronavırýsty anyqtaı alatyn jańa ekspress-test maquldanýy múmkin.
Sankei gazetinde jazylǵandaı, testileý jıyntyǵy aǵzada koronavırýs antıgenderin anyqtaýǵa múmkindik beredi, vırýsty juqtyrǵan adamnyń ımmýndyq júıesi oǵan qarsy deneler shyǵarady. Eger bul ázirlemeni Japonııa Úkimeti maquldasa, osyndaı ekspress-zertteýdi aýrýhanalarda tikeleı júrgizýge bolady. Birneshe saǵat júrgiziletin PTR-testter úshin tek zerthanalyq jaǵdaı qajet. Sarapshylar atap ótkendeı, PTR-analogtardyń qorytyndysy jańa júıelerge qaraǵanda dálirek, sondyqtan bılik barynsha tıimdilikke qol jetkizý úshin olardy qatar paıdalanýǵa nıetti. Japonııada koronavırýsty juqtyrǵan adamdardyń jalpy sany 16,4 myńnan asty, 270 adamnyń densaýlyǵy aýyr jaǵdaıda, 637 adam kóz jumǵan.