Osydan 72 jyl būryn, iaǧni 1944 jyly 24 şıldede Qazaq KSR Halyq Komissarlarynyŋ Keŋesı osy jyldyŋ 1 qazanynan bastap Almaty qalasynda Memlekettık öner institutyn aşu turaly qauly qabyldaǧan bolatyn.
Bır jyldan keiın oqu ornyna XIX ǧasyrdyŋ ataqty küişısı Qūrmanǧazy Saǧyrbaiūlynyŋ esımı berıldı. Bügınde, Qūrmanǧazy atyndaǧy Qazaq Ūlttyq konservatoriiasy atalatyn bılım ordasy myŋdaǧan şäkırtterın qanattandyrdy. Esımderı elge tanys saŋlaqtary – Ermek Serkebaev, Bibıgül Tölegenova, Roza Jamanova, Nūrjamal Üsenbaeva, Qarşyǧa Ahmediiarova bolyp, jalǧasyp kete beredı... Jyl saiynǧy tülep ūşqan şäkırtterı elımızdıŋ tükpır-tüpkırındegı mädeniet oşaqtary men muzykalyq bılım ordalarynda jemıstı qyzmet atqaryp keledı. Biyl jas ta bolsa – bas bolǧan tanymal kompozitor-pianist Rahat-bi Äbdısaǧin konservatoriia tarihyndaǧy eŋ jas tülek atandy. Qazaqstan Respublikasynyŋ Halyq ärtısı, Memlekettık syilyqtyŋ iegerı, Jäniia Äubäkırova basşylyq etetın JOO-nyŋ ūltyq muzyka önerıne qosar ülesı mol.
ADYRNA
