Almaty qalasy Ishki saıasat basqarmasynyń qoldaýymen ál-Farabı atyndaǵy Qazaq ulttyq ýnıversıtetiniń tarıh, fılologııa jáne jýrnalıstıka fakýltetteri men «Adyrna» ulttyq-etnografııalyq birlestigi» qoǵamdyq qory birlesip 1916 jylǵy Ult-azattyq kóterilisine 100 jyl tolýyna oraı «Azattyq. Birlik. Jasampazdyq – táýelsiz eldiń muraty» atty ǵylymı-praktıkalyq dóńgelek ústel ótkizdi.
Sharany QazUÝ-dyń jýrnalıstıka fakýltetiniń dekany Saǵatbek Medeýbekuly júrgizip otyrdy. «1916 jylǵy Ult-azattyq kóteriliske jańasha kózqaras» taqyrybynda eń alǵash baıandama jasaǵan tarıh ǵylymynyń doktory, professor Talas Omarbekov Ult-azattyq kóterilisterge jalpy sıpattama berip, Keńestik jáne keıingi kezdegi qazaq ǵalymdarynyń 1916 jylǵy kóterilisterge baılanysty kózqarastary týraly derekter aıtty. Kelesi kezekte Saǵatbek Medeýbekuly jazalaýshylardyń halyqty aıaýsyz jolmen jan túrshigerlik basyp-jańshýlaryn «Qarqara kóterilisiniń tarıhı taǵylymdary» taqyrybyndaǵy baıandamasynda dáleldi dáıektermen baıandady. Odan keıin sóz alǵan tarıh ǵylymynyń doktory, professor Turǵanjan Tólebaev «Qyrǵyntekshe oqıǵasy – Ult-azattyqtyń qyrǵynǵa ulasqanynyń aıǵaǵy» atty taqyrypta áńgime qozǵady. Gúljaýhar Kókebaeva «Shyǵys Qazaqstan óńirindegi Ult-azattyq kóterilister oshaǵy» atty taqyrypta áńgime qozǵap, osyǵan baılanysty ózekte máselelerdi ortaǵa saldy. Ónertaný ǵylymynyń kandıdaty, professor Toqqoja Qojaǵulov «1916 jylǵy Ult-azattyq kóteriliske arnalǵan beıneleý óneri týyndylary» atty tyń taqyrypta baıandama jasady. Shoqan Ýalıhanov atyndaǵy Tarıh jáne etnologııa ınstıtýtynyń aǵa ǵylymı qyzmetkeri Rashıd Orazov «Tarıhty tanytatyn muraǵat qujattary» atty baıandamasy kóptiń kóńilinen shyqty. Onda ol naqty muraǵat derekterine súıene otyryp kóptegen máselelerdiń syryn ashýǵa tyrysty. Dóńgelek ústeldiń sońynda fılologııa ǵylymynyń doktory, professor Ómirhan Ábdımanuly, aqyn, belgili jýrnalıst Janarbek Áshimjan jáne taǵy basqalar óz oılaryn ortaǵa salyp, ózara pikir almasty.
Arman SERIKULY
