"Bızdıŋ töl mädenietımız estrada, djaz, rok, simfoniia emes qoi"

Ramazan STAMǦAZY, Qazaqstannyŋ eŋbek sıŋırgen qairatkerı, T.Jürgenov atyndaǧy Qazaq ūlttyq öner akademiiasy «Dästürlı muzykalyq öner» kafedrasynyŋ meŋgeruşısı, änşı, ūstaz:

- Ötken ǧasyrda qūrylǧan ülken öner bırlestıkterı, ortalyqtar, kıtaphanalar jabyldy. Būl bızdıŋ janymyzdy jeitın närse. Öitkenı, Eldıŋ bärı Almatydan Astanaǧa köşıp ketken joq. Almatyda negızın qalaǧan adamdardyŋ tūǧyrlyq düniesın keiıngı ūrpaqqa jetkızetın sanaly ūrpaq otyr. 62 tamyrynda önerdıŋ ūlttyq ruhy jaiylǧan jastarymyz bar. Öner akademiiasynda, konseruatoriiada bälenbai bala oqidy. Endıgı auyz salu –solardy qysqartu, qazırgı memlekettıŋ maqsaty. Olardy qysqartsa ǧasyrdan kele jatqan jyr, terme, dastan, halyq jäne halyq kompozitorlarynyŋ änderın kım aitady? Oşaǧymyzdyŋ ūlttyq alauyn öşırgennen ne paida? Qazır halyq «senderden keiın kım bar?» – dep sūraidy. Nege joq? Bar. Bıraq, olardyŋ şyǧatyn, körınetın jerı joq. Al olardyŋ bızge keregı joq desek, erteŋ qazaq kım bolady? Olardyŋ tamyryna balta şapsaq erteŋ kım bolamyz? Qazırgı jastar jai jastar emes, oryndauşylyq mädenietımen qosa ǧylymi ızdenısı jasaityn jastarymyz bar.
Memlekettık tapsyrys boiynşa barlyq deŋgeiden ötıp joǧary oqudy tolyq aiaqtaǧanşa önerpazdarymyz 30-35 jasqa keledı. Al konserttık, öner bırlestıkterı adam qabyldaǧanda «18-20 jas aralyǧyndaǧy jastar qabyldanady» degen şart qoiady. Sonda sonşa jyl oqu oqyp, eŋbek etıp, ǧylymmen ainalysqan, ülken öner adamdarynyŋ tälım-tärbiesın alǧan, ūstazdarynyŋ mūralaryn jinaǧan adamdar qaida baru kerek? Olar ögeiden tuyp pa edı? Nege olar qaiyr tılep bazarǧa ketu kerek? Mamandyǧyn auystyru kerek pa? Qazaqtyŋ qasterlı, kümıs kömei aq dombyrasyn ılıp qoiyp nege basqa mamandyqqa ketu kerek? Bızdıŋ memleket nege soǧan qaramaidy? Mädeniet ministrlıgı qaida qaraidy? Bızdıŋ qazırgı mädenietımız estrada, djaz, rok, simfoniia emes qoi. Bız qazaq bolu üşın özımızdıŋ ūlttyq düniemız kerek...

Jazyp alǧan Jarqyn SÄLENŪLY