BUU Izraılge qarý-jaraq pen oq-dári jetkizýdi toqtatýǵa shaqyrdy, dep habarlaıdy «Adyrna» tilshisi EuroNews-ke silteme jasap.
Uıymnyń adam quqyqtary jónindegi sarapshylary bul eskertýge qulaq aspaǵan kompanııalardyń adamzatqa qarsy jasaǵan qylmystary úshin jaýapqa tartylýy múmkin ekenin eskertti.
«Izraılge qarý-jaraq pen oq-dárilerdi jiberý adam quqyqtary men halyqaralyq gýmanıtarlyq quqyqty eleýli buzý bolyp sanalady. Ol memlekettiń halyqaralyq qylmystarǵa, sonyń ishinde genoıdke qatysý qaýpin týdyrýy múmkin», - delingen baıandamada.
Sondaı-aq BUU qarý-jaraq saýdasy men tasymaldaýdy qarjylandyratyn kompanııalardy jaýapkershilikke shaqyrady.
Aıta keteıik, buǵan deıin AQSh Izraılge myńdaǵan bomba berýdi toqtatqan edi. Izraıl premeri Bınıamın Netanıahý eldiń jalǵyz kúrese alatynyn aıtyp, «Qajet bolsa, ızraıldikter tyrnaǵymen de soǵysady» degen málimdeme jasady.
