Orta salmaqta IBF jáne IBO chempıony qazaqstandyq Gennadıı Golovkınniń (40-1-1, 35 KO) mindetti qarsylas polshalyq Kamıl Sheremetamen (21-0, 5 KO) jekpe-jegi sáýirden erte ótpeıdi. Bul týraly ESPN basylymyna promoýter Eddı Hırn málimdedi.
Bastapqyda Golovkın jekpe-jegi 29 sáýirge josparlanǵan bolatyn, keıin birneshe sebepke baılanysty 28 naýryzǵa aýystyryldy. Al ótetin oryn retinde Chıkagodaǵy Wintrust Arena men Inglvýdtegi Forum arenasy qarastyrylǵan.
Endi Hırnniń aqparatynsha, boks keshi 11 sáýirde ótedi. Sonymen qosa, jekpe-jek áli de Qazaqstanda ótý yqtımaldyǵy bar.
"Talqylap jatqanymyz osy másele. Ázirge eshteńe sheshilgen joq, biraq, jekpe-jek Qazaqstanda ótý múmkin", - deıdi Matchroom Boxing basshysy.
Degenmen munyń aldynda RingPolska basylymy Eddı Hırnniń Golovkın - Sheremeta jekpe-jegin Qazaqstanda ótkizý talpynysy sátsiz bolǵanyn habarlaǵan edi.
