Jaqynda Halyqaralyq boks qauymdastyǧyna (IBA) müşe ūlttyq sport federasiialarynyŋ atynan şyqqan boksşylar 2028 jyly Los-Andjeleste ötetın Olimpiada oiyndaryna qatysuǧa jıberılmeidı. Osyǧan qatysty keşe, 7 şıldede Qazaqstan Olimpiada komitetınıŋ jaŋa basşysy Gennadii Golovkin mälımdeme jasady, dep habarlaidy “Adyrna” ūlttyq portaly.
Ol Reuters tılşısıne bergen sūhbatynda Qazaqstan boks federasiiasynyŋ basşylyǧyna Halyqaralyq boks qauymdastyǧynan (IBA) şyǧu keregın aitqan.
«Bız öz tarapymyzdan Qazaqstan boks federasiiasyn World Boxing ūiymyna kıruge ügıtteimız, ol üşın qoldan kelgennıŋ bärın jasaimyz. Alaida QBF-nyŋ taŋdau qūqyǧy bar. Şeşımdı özderı qabyldaidy. Qūqyqtyq tūrǧydan men olarǧa qysym körsete almaimyn», - dedı Gennadii Golovkin.
1bol.kz saitynyŋ mälımetınşe, būǧan deiın federasiiany basqarǧan Keŋes Raqyşevtıŋ IBA-dan şyǧyp ketuge erık-jıgerı jete qoiǧan joq. Al jaŋa basşy Şahmūrat Mütälıptıŋ synalatyn tūsy osy bolyp tūr. Öitkenı HOK Halyqaralyq boks qauymdastyǧyna (IBA) müşe ūlttyq sport federasiialarynyŋ atynan şyqqan boksşylar 2028 jyly Los-Andjeleste ötetın Olimpiada oiyndaryna qatysuǧa jıberılmeitının mälımdegenı bar. Endı «Arbany da syndyrmai, ögızdı de öltırmei» şeşım qabyldau jaŋa menedjerge bailanysty.
«Halyqaralyq Olimpiada komitetı reseilık Umar Kremlev basqaratyn IBA-nyŋ qarjylyq esebıne senbeidı. Öte ülken kümänmen qarap otyr. Kremlev basşylyqqa kelgenı ūiym boksşylar kölemdı syiaqyny oŋdy-soldy taratatyn bolǧan. Endı Parij Olimpiadasynda chempion atanǧan jäne jüldeger bolǧan boksşylarǧa 3,1 million dollar jülde qoryn qarastyrǧanyn mälımdegen. Būl qarjy 100-den astam boksşyǧa bölınedı”, delıngen basylym jazbasynda.
Bügınde World Boxing ūiymyna Australiia, Argentina, Barbados, Braziliia, Ūlybritaniia, Germaniia, Gonduras, Daniia, Dominika Respublikasy, Kanada, Moŋǧoliia, Niderland, Jaŋa Zelandiia, Panama, Peru, Singapur, AQŞ, Fransiialyq Polineziia jäne Şvesiia kıredı.
Äzırge boks derjavasy sanalatyn Özbekstan, Kuba siiaqty elder öz taŋdauyn jasaǧan joq.
Ūqsas jaŋalyqtar
