Jaqynda Halyqaralyq boks qaýymdastyǵyna (IBA) múshe ulttyq sport federaııalarynyń atynan shyqqan boksshylar 2028 jyly Los-Andjeleste ótetin Olımpıada oıyndaryna qatysýǵa jiberilmeıdi. Osyǵan qatysty keshe, 7 shildede Qazaqstan Olımpıada komıtetiniń jańa basshysy Gennadıı Golovkın málimdeme jasady, dep habarlaıdy “Adyrna” ulttyq portaly.
Ol Reuters tilshisine bergen suhbatynda Qazaqstan boks federaııasynyń basshylyǵyna Halyqaralyq boks qaýymdastyǵynan (IBA) shyǵý keregin aıtqan.
«Biz óz tarapymyzdan Qazaqstan boks federaııasyn World Boxing uıymyna kirýge úgitteımiz, ol úshin qoldan kelgenniń bárin jasaımyz. Alaıda QBF-nyń tańdaý quqyǵy bar. Sheshimdi ózderi qabyldaıdy. Quqyqtyq turǵydan men olarǵa qysym kórsete almaımyn», - dedi Gennadıı Golovkın.
1bol.kz saıtynyń málimetinshe, buǵan deıin federaııany basqarǵan Keńes Raqyshevtiń IBA-dan shyǵyp ketýge erik-jigeri jete qoıǵan joq. Al jańa basshy Shahmurat Mútáliptiń synalatyn tusy osy bolyp tur. Óıtkeni HOK Halyqaralyq boks qaýymdastyǵyna (IBA) múshe ulttyq sport federaııalarynyń atynan shyqqan boksshylar 2028 jyly Los-Andjeleste ótetin Olımpıada oıyndaryna qatysýǵa jiberilmeıtinin málimdegeni bar. Endi «Arbany da syndyrmaı, ógizdi de óltirmeı» sheshim qabyldaý jańa menedjerge baılanysty.
«Halyqaralyq Olımpıada komıteti reseılik Ýmar Kremlev basqaratyn IBA-nyń qarjylyq esebine senbeıdi. Óte úlken kúmánmen qarap otyr. Kremlev basshylyqqa kelgeni uıym boksshylar kólemdi syıaqyny ońdy-soldy taratatyn bolǵan. Endi Parıj Olımpıadasynda chempıon atanǵan jáne júldeger bolǵan boksshylarǵa 3,1 mıllıon dollar júlde qoryn qarastyrǵanyn málimdegen. Bul qarjy 100-den astam boksshyǵa bólinedi”, delingen basylym jazbasynda.
Búginde World Boxing uıymyna Aýstralııa, Argentına, Barbados, Brazılııa, Ulybrıtanııa, Germanııa, Gondýras, Danııa, Domınıka Respýblıkasy, Kanada, Mońǵolııa, Nıderland, Jańa Zelandııa, Panama, Perý, Sıngapýr, AQSh, Franııalyq Polınezııa jáne Shveııa kiredi.
Ázirge boks derjavasy sanalatyn Ózbekstan, Kýba sııaqty elder óz tańdaýyn jasaǵan joq.
