Gennadıı Golovkın qıyn jaǵdaıǵa tap boldy. Aldaǵy jekpe-jekten keıin ol IBF tıtýlyna úmitker boksshymen kezdesýge mindetti. Onsyz bir belbeýden aıyrylýy ábden múmkin. Al GGG-diń basty maqsaty - barlyq belbeýlerdi biriktirip, absolıýtti chempıon ataǵyna jetý. Sonda bıyl Saýl Alvareske qarsy revanshty kóre almaımyz ba? Álde, rematch úshin bir belbeýden bas tartýǵa týra kele me? Golovkınniń komandasy neni tańdaıdy? Ataq-dańq pa? Joq, álde jaqsy gonorar ma?
Shyny kerek, dál qazir GGG aldaǵy jekpe-jekke daıyndalyp jatsa da, aldaǵy josparyna qatysty oıy ekige bólinip júr. Bir jaǵynan «Kaneloǵa» qarsy birinshi jekpe-jekte bolǵan ádiletsizdiktiń júgi aýyr. Gennadıı Golovkın óz basymdyǵyn tezdetip dáleldeýdi kózdeıdi. Ony talaı ret aıtqan. Árıne, gonorardyń kólemi de az emes. Barlyq belbeýlerdi jınap alǵanǵa deıin dál osyndaı maıly jekpe-jekterdi ótkizgen tıimdi. Artynan absolıýtti chempıon ataǵy úshin talasýǵa da bolady. Osyndaı senarıımen júrgenge ne jetsin? Biraq bári biz oılaǵandaı bola bermeıdi eken.
Halyqaralyq boks federaııasy (IBF) qazaqstandyq boksshyǵa ýltımatým qoıdy. Gennadıı Golovkın 5 mamyrda bolatyn jekpe-jekten keıin IBF tıtýlynan úmitker ýkraındyq boksshy Sergeı Derevıanchenkomen kezdesýi tıis. Kelissózderge 90 kún beriledi. Demek, tamyzdyń 3-ine deıin eki jaqtyń komandalary bir kelisimge kelip, jekpe-jekti ótkizýi shart. Ol aıqasta Golovkın IBF tıtýlyn qorǵaýy tıis. Negizi, atalǵan uıym Martırosıanǵa qarsy shyǵýǵa da ruqsat bergen joq. Biraq GGG-diń promoýteri Tom Leffler IBF-pen aradaǵy kelisimsharttyń «erekshe jaǵdaıǵa» qatysty tarmaǵyn paıdalanyp, tıtýldy qorǵaý mindetin sál keıinge shegerdi. Álbette, ondaı jeńildik tegin berilmeıdi. Ol úshin 20 myń dollardaı aqsha tóleýge týra keldi. Oǵan qosa, 5 mamyr kúngi jekpe-jekte atalǵan belbeý sarapqa salynbaıdy. Golovkınniń qarsylasy tek WBA, WBC men IBO tıtýldarynan ǵana dámete alady. Osylaısha, IBF sońǵy ret jeńildik bergenin kórsetti. Martırosıannan keıin Sergeı Derevıanchenkomen kezdesý kerek. Al oǵan qarsy shyǵatyn bolsaq, qyrkúıek aıynda Saýl Alvareske qarsy revanshty ótkize almaımyz. Sebebi daıyndyqqa ýaqyt qalmaıdy. Onyń ústine ýkraındyq boksshy osal emes. Osy ýaqytqa deıin 12 jekpe-jek ótkizip, 10 ret nokaýtpen jeńiske jetken.
«Derevıanchenkoǵa qarsy jekpe-jek ońaıǵa soqpaıdy. GGG jeńgen kúnniń ózinde qatty sharshaıdy. Ol kezdesýden keıin birden qyrkúıekte Alvareske qarsy shyqqan aýyr bolady. Ol úshin ýkraındyq boksshyny alǵashqy raýndtarda nokaýtpen jeńý kerek. Biraq Derevıanchenko aılaker boksshy, kóp qozǵalady jáne djebti jıi qoldanady. Oǵan dál soqqy jasaý qıynǵa soǵady. Sondyqtan GGG-ge naqty sheshim qabyldaý qajet. Tıtýldardy saqtaı ma? Joq, álde «Kaneloǵa» qarsy revansh ótkize me? Ekeýin birdeı ustaı almaıdy. Golovkın 20 jasta bolǵanda bir aıdyń ishinde eki boksshymen kezdese alatyn edi. Biraq GGG jas emes», - dep jazdy Boxingnews24.com-nyń sport sarapshysy Djım Doeýr.
Ashyǵyn aıtý kerek, Golovkın qysqa ýaqyttyń ishinde eki birdeı myqty boksshymen bokstaspaıdy. Sondyqtan IBF tıtýlyn qorǵaımyn dese, Alvareske qarsy revanshty keıinge qaldyrýǵa týra keledi. Al meksıkalyq boksshy osy múmkindikti paıdalanyp, ózine taǵy jarnama jasaı alady. «GGG qashyp júr!» dep jer-jahanǵa jar salýy ábden múmkin. Sóıtip, dopıng daýy da umyt bolady. «Kanelo» bolsa, qalaı daıyndalamyn, ne ishemin, ne jeımin dese de, óz erki. Sebebi Nevadanyń atletıkalyq komıssııasy ony alty aıǵa shettetse de, turaqty túrde dopıng synamalaryn tapsyrýǵa mindettegen joq. Alvares WBC-diń «Taza boks» baǵdarlamasynan da shyǵyp ketti. Sebebi dál osy baǵdarlama boıynsha Dúnıejúzilik dopıngke qarsy agenttigi (WADA) boksshyny kez kelgen ýaqytta eshbir eskertýsiz teksere alady. Búginde Oskar De La Hoııa óz shákirtin qorǵap, jaqyn arada arnaıy jarnany tólep, «Taza boks» baǵdarlamasyna kiremiz dese, ol ýádeniń qaı ýaqytqa deıin sozylatynyn eshkim bilmeıdi. Al tanymal boksshylar men sport sarapshylary NSAC-tyń sheshimine ań-tań.
«Bul orynsyz qaljyńǵa uqsaıdy. Alty aıǵa dıskvalıfıkaııa, biraq aıyppul da, turaqty dopıng-testter de joq. Ony qalaı túsinýge bolady? Ol dál qazir úıine baryp, dopıng qabyldaýdy jalǵastyra berse de bolady. Bylaı nege istemeske: alty aıǵa shettetip, onyń ústine aıyppul salsa, sosyn eki jyl boıy eskertýsiz tekseristerdi jasasa? Eger bir ǵana test oń nátıje kórsetse, onda dıskvalıfıkaııany taǵy biraz ýaqytqa sozý qajet. Árıne, olaı istemeıdi. Olar úshin «Kanelony» dopıngpen ustaǵan tıimsiz. Óıtkeni taǵy ustalsa, 2-3 jylǵa shettetýge týra keledi. Ondaıda biraz aqshadan qaǵylatynyn biledi. Olaı isteýge batyldary jetpeıdi», - deıdi eks-chempıon Pol Malınıadjı.
Aıtpaqshy, sheteldik buqaralyq aqparat quraldary shýlap ketkennen keıin atletıkalyq komıssııanyń sheshimine qatysty taǵy bir aqparat tarala bastady. Oǵan sáıkes, Alvarestiń shashyna deıin zerthanada tekserip shyqty. Sebebi shashta dopıngtiń izi uzaq saqtalady eken. Biraq onyń shashynan «klenbýteroldyń» izi tabylmady. Sosyn taǵy bir talap bar. «Kanelo» kelesi jekpe-jekten 21 kún, 15 kún jáne 3 kún buryn dopıng synamalaryn tapsyrýǵa mindetti. Biraq atalǵan sheshim de zańsyz zattardy paıdalanýǵa tosqaýl bolmaıtyn tárizdi. Sebebi kez kelgen boksshy synamaǵa deıingi ýaqytyn esepteı alady.
«Qazir olar shashty tapsyryp, dopıngtiń tabylmaǵany jaıynda aıtyp jatyr. Endi, myna bir máselege nazar aýdaryp kóreıikshi. Siz kináli bolmasańyz, 15 mıllıon dollar ákeletin jekpe-jekten bas tartasyz ba? Odan keıin tizege operaııa jasatasyz. Sodan baryp shashty analızge tapsyrasyz. Óıtip, bárin qıyndatýdyń ne qajeti bar?», - deıdi tanymal bapker Derık Santos-Rosarıo.
Sonymen, «Kanelonyń» komandasy dopıng daýynan da sheber shyǵa bildi. Al, eń bastysy, olar ýaqytta sozyp aldy. Qazir Gennadıı Golovkın 36-da, al Saýl Alvares shilde aıynda tek 28-ge keledi. Demek, oǵan revanshty keıinge qaldyrǵan tıimdi. Biraq jerlesimiz ózinen jas ári myqty boksshydan utylsa, Alvareske tıtýldar úshin talasqan qıynǵa túsedi. Ony da Golden Boy Promotion-niń jigitteri jaqsy túsinedi. Sol sebepti revanshty sózbuıdaǵa salyp, qatty «qaqtaýǵa» bolmaıtynyn biledi.
Degenmen, GGG barlyq tıtýldardy saqtamaıyn dese, kelesi jekpe-jekte Sergeı Derevıanchenkomen kezdesedi. Odan keıin sońǵy belbeýdiń ıegeri Bıllı Djo Sondersti kózdeýge bolady. Áıtpese, «Kanelonyń» artynan júgire bersek, ábden júnjip ketetin tárizdimiz. Halyqaralyq boks dańqy zalyna kirý armanymyz da oryndalmaı qalýy ábden múmkin...
___________________________________________________________________________________________________________
