Qaraǵandyda er adam avtobýstaǵy ornyn bermegen 15 jastaǵy qyzdy balaǵattap, aıǵaı shyǵarǵan. Janjal vıdeoǵa túsip qalǵan, - dep habarlaıdy “Adyrna” ulttyq portaly.
Janjal vıdeosyn qyzdyń anasy áleýmettik jelide jarııalady. Onyń málimetinshe, 6 maýsym kúni qaladan Maıqudyqqa bara jatqan avtobýsta qyzymen keleńsiz oqıǵa bolǵan.
«Qyzynyń aıtýy boıynsha, er adam avtobýsqa minip, 15 mınýttan keıin qyzynyń aıaǵyn qysyp tastaǵan, al qyzy olaı etpesin dep aıqaılaǵan. Onyń sózderine uzaq ýaqyt jaýap bermeı, artynsha aýyr sózder aıtyp, aıqaıǵa basqan», – deıdi kámeletke tolmaǵan balanyń anasy.
Agressıvti er adamnan bólek, vıdeoda jolaýshylar da kámeletke tolmaǵan qyzdy jaqtaýǵa tyrysqany kórinedi. Olar er adamdy balaǵa aıqaılamaýǵa shaqyryp, tynyshtandyrdy.
«Ol ózimen-ózi otyr ǵoı, eshkimge eshteńe dep jatqan joq, sabyr etińiz», - deıdi jolaýshylardyń biri vıdeoda.
«Nege oǵan aıqaılaısyń, sen erkeksiń, seniń qyzyń nemese anań joq pa?» - dep arashalaıdy taǵy bir jolaýshy.
Jolaýshylar tarapynan qansha pikir aıtylsa da, vıdeoǵa qaraǵanda, álgi er adam daýys kóterýin qoımaı, qyzdy qorǵaǵandardyń bárimen aýyzsha janjalǵa túsken.
«Men balamdy qorǵaýǵa jáne bul adamdy tynyshtandyrýǵa tyrysqan barlyq adamdarǵa sheksiz jáne shyn júrekten alǵys aıtamyn, polıııadan sol avtobýstyń kamerasyndaǵy jazbalardy alyp, adamnyń jeke basyn anyqtap, materıaldy tekserip, ony jaýapqa tartýdy suraımyn. », - dep qosty qyzdyń anasy.
Qaraǵandy oblystyq polıııa departamentiniń baspasóz qyzmeti vıdeoǵa qatysty túsinikteme berdi. Vedomstvoda vıdeo keıipkeriniń kim ekeni qazirdiń ózinde anyqtalǵanyn atap ótti.
«Bul vıdeo áleýmettik jelilerde júrgizilgen monıtorıng barysynda anyqtaldy, ol usaq buzaqylyq úshin ákimshilik jaýapkershilikke tartyldy», - dep habarlady Qaraǵandy oblysynyń polıııa departamentiniń baspasóz qyzmeti.
