Qaraǧandyda er adam avtobustaǧy ornyn bermegen 15 jastaǧy qyzdy balaǧattap, aiǧai şyǧarǧan. Janjal videoǧa tüsıp qalǧan, - dep habarlaidy “Adyrna” ūlttyq portaly.
Janjal videosyn qyzdyŋ anasy äleumettık jelıde jariialady. Onyŋ mälımetınşe, 6 mausym künı qaladan Maiqūdyqqa bara jatqan avtobusta qyzymen keleŋsız oqiǧa bolǧan.
«Qyzynyŋ aituy boiynşa, er adam avtobusqa mınıp, 15 minuttan keiın qyzynyŋ aiaǧyn qysyp tastaǧan, al qyzy olai etpesın dep aiqailaǧan. Onyŋ sözderıne ūzaq uaqyt jauap bermei, artynşa auyr sözder aityp, aiqaiǧa basqan», – deidı kämeletke tolmaǧan balanyŋ anasy.
Agressivtı er adamnan bölek, videoda jolauşylar da kämeletke tolmaǧan qyzdy jaqtauǧa tyrysqany körınedı. Olar er adamdy balaǧa aiqailamauǧa şaqyryp, tynyştandyrdy.
«Ol özımen-özı otyr ǧoi, eşkımge eşteŋe dep jatqan joq, sabyr etıŋız», - deidı jolauşylardyŋ bırı videoda.
«Nege oǧan aiqailaisyŋ, sen erkeksıŋ, senıŋ qyzyŋ nemese anaŋ joq pa?» - dep araşalaidy taǧy bır jolauşy.
Jolauşylar tarapynan qanşa pıkır aitylsa da, videoǧa qaraǧanda, älgı er adam dauys köteruın qoimai, qyzdy qorǧaǧandardyŋ bärımen auyzşa janjalǧa tüsken.
«Men balamdy qorǧauǧa jäne būl adamdy tynyştandyruǧa tyrysqan barlyq adamdarǧa şeksız jäne şyn jürekten alǧys aitamyn, polisiiadan sol avtobustyŋ kamerasyndaǧy jazbalardy alyp, adamnyŋ jeke basyn anyqtap, materialdy tekserıp, ony jauapqa tartudy sūraimyn. », - dep qosty qyzdyŋ anasy.
Qaraǧandy oblystyq polisiia departamentınıŋ baspasöz qyzmetı videoǧa qatysty tüsınıkteme berdı. Vedomstvoda video keiıpkerınıŋ kım ekenı qazırdıŋ özınde anyqtalǧanyn atap öttı.
«Būl video äleumettık jelılerde jürgızılgen monitoring barysynda anyqtaldy, ol ūsaq būzaqylyq üşın äkımşılık jauapkerşılıkke tartyldy», - dep habarlady Qaraǧandy oblysynyŋ polisiia departamentınıŋ baspasöz qyzmetı.
Ūqsas jaŋalyqtar
