Aqyn, jazýshy, qoǵam qaıratkeri, kompozıtor Sáken Seıfýllınnyń 120 jyldyǵyna oraı, Qurmanǵazy atyndaǵy Qazaq ulttyq konservatorııasy men «Adyrna» ulttyq-etnografııalyq birlestigi» qoǵamdyq qory birlese otyryp, 10 jeltoqsan kúni Qurmanǵazy atyndaǵy Qazaq ulttyq konservatorııasynyń konerttik zalynda «Sákenniń syr sandyǵy» atty mýzykalyq konert ótkizedi. T.Júrgenov atyndaǵy Qazaq ulttyq óner akademııasynyń sahna tili kafedrasynyń meńgerýshisi, professor Darıǵa Turanqulovanyń jetekshiligimen ataýly oqý orynnyń stdentteri Sáken Seıfýllınnyń «Aqqýdyń aırylýy» poemasynyń jelisimen kórinis qoıady. Ánshi, dramatýrg, ártis, Q.Qýanyshbaev atyndaǵy Qazaq memlekettik akademııalyq mýzykalyq drama teatrynyń ádebı bóliminiń meńgerýshisi Qanat Júnisov Sáken Seıfýllınnyń beınesin somdaıdy.
Odan keıin Qurmanǵazy atyndaǵy Qazaq ulttyq konservatorııasynyń rektory, QR halyq ártisi Jánııa Áýbákirova, sákentanýshy, professor, f.ǵ.d. UǴA akademıgi Tursynbek Kákishev kirispe sóz sóılep, konerttiń shymyldyǵyn túredi. Qurmanǵazy atyndaǵy Qazaq ulttyq konservatorııa horynyń (hor jetekshisi – QR halyq ártisi, Memlekettik syılyqtyń ıegeri, professor Bazarǵalı Jamanbaev) oryndaýynda aqynnyń eldi birlikke shaqyrǵan «Jas qazaq marselezasy» sahnaǵa jol tartady. Sondaı-aq, sybyzǵyshy Talǵat Muqyshev Sákenniń «Taý ishinde» ánin sybyzǵymen syzyltyp oryndaıdy.
Keshte Sákenniń tól shyǵarmashylyǵy boıynsha «Kókshetaý», «Taý ishinde», «Babalaryma», «Aqasaq kıik», «Saryarqa», «Uıqydaǵy arý», «Anaǵa», «Jetkinshegim tartynba», «Syr sandyq», «Áýpildekke jaýap», «Qamaýda», «Tús», «Arqa sulýyna» (áni T.Qutjanovtiki) jáne taǵy basqa ánder shyrqalady. Sonymen qatar, Sáken Seıfýllınge arnalǵan Jaǵypar Álimhanovtyń (sózi Kákimbek Salyqovtiki) «Sáken aǵa» áni, Hasen Qoja Ahmettiń «Ketpeıtin esten» áni, Kákimbek Salyqovtyń «Úsh arys» áni (Sáken, Ilııas, Beıimbet týraly) halyq nazaryna usynylmaq. Konertte aqynnyń shyǵarmashylyq jolynyń qalyptasýyna zor áserin tıgizgen áıgili Úkili Ybyraımen kezdesý sáti, halyq ánderi «Áýpildekpen», «Kıdim kamzolmen» sýsyndap er jetýi, Seıfýllanyń kúıshiligi, áıdik óner ıesi Saıdaly sary Toqanyń kúıin bir tyńdamaı shyǵarma jazýǵa otyrmaıtyndyǵy, uly kúıshi Ábiken Hasenovtyń Sákenge arnap kúı shyǵarýy jáne taǵy basqa máseleler qamtylatyn bolady.
Shyǵamashylyq keshte Jolaman Qujımanov, Ramazan Stamǵazıev, Erlan Tóleýtaı, Tolǵambaı Sembaev, Erkin Shúkimanov, Tileýles Qurmanǵalıev, Ardaq Isataeva, Janar Aıjanova, Serik Ospanov, Erkin Nurqanov, Gúlnár Arynova, Qanat Júnisov, Murat Ábýǵazy, Talǵat Ábýǵazy, Saıat Nurǵazın, Jasulan Saqaev, Narıman Ábdirahmanov, Oraz Jańabaev jáne taǵy basqa ónerpazdar óner kórsetedi.
Konert keshki 19.00-de bastalady.
Qosymsha aqparattardy 8776 777 87 86 telefon nómirine habarlasyp alýlaryńyzǵa bolady.
