Şyǧys Qazaqstan oblysy Zaisan audandyq sotynda "memlekettık şekarany zaŋsyz kesıp öttı" dep aiyptalǧan etnikalyq ekı qazaq Qaster Mūsahanūly men Mūrager Älımūlyna ükım oqyldy. Sudia Ospanova Qaster Mūsahanūly men Mūrager Älımūlyn ärqaisysyn bır jylǧa bas bostandyǧynan aiyryp, jazasyn qauıpsızdıgı tömen mekemede öteitının aitty. Būǧan qosa, olardyŋ ärqaisysyna 25 250 teŋge kölemınde aiyppūl saldy.
"Jazasyn qauıpsızıdıgı tömen mekemede öteitın bolǧandyqtan jaza öteuşılerdıŋ ol mekemede ötetın bır künı ekı kün bolyp esepteledı. Qaster men Mūrager jazalaryn barynşa qauıpsızdıgı tömen mekemede ötkızedı. Olarǧa özderınıŋ tuǧan tuystarymen kezdesuge tolyq mümkınşılık bar. Bügıngı künge deiın olar 2019 jyldyŋ 18 qazanynan bastap qamauda jatqandyqtan olardyŋ 3 ai 3 künı, 6 ai 6 kün bolyp esepteledı. Sonda olar endı qauıpsızdıgı tömen mekemede 5 ai 24 kün jazasyn öteidı",-dedı sudia Ospanova.
Sot zalynan "Adyrna" ūlttyq portalynyŋ redaktory Oŋǧar Qabden tıkelei efirden habar tartty:
Eske salaiyq, sot barysynda Prokuror "şekarany zaŋsyz kesıp öttı" dep aiyptalǧan Şyŋjaŋ qazaqtary Qaster men Mūragerdıŋ ärqaisysyn bır jylǧa sottaudy sūraǧan bolatyn. Memlekettık aiyptauşy da "jeŋıldetılgen män-jailardy eskerıp" olardy Qytaiǧa qaitarmaudy ötıngen edı.
Bügıngı sotqa Qaraǧandy, Şymkent, Almaty taǧy basqa aimaqtardan Qaster men Mūragerdı qoldap, köp adam keldı. Sot zalyna syimaǧan halyq ekı azamatty syrtta qoldap tūrdy.
2019 jyly qazan aiynda Qytaidyŋ Şyŋjaŋ ölkesınde tuyp ösken etnikalyq qazaqtar Qaster men Mūragerdıŋ Qazaqstanǧa "şekarany zaŋsyz kesıp ötkenı" turaly aqparat taraǧan.
Qazaqstan bilıgınen bosqyn märtebesın sūraǧan Qytaidyŋ ekı azamatyna qazan aiynyŋ soŋynda "pana ızdeuşı tūlǧa" kuälıgı berılgen edı.
Qaster men Mūragerdıŋ ısı boiynşa sot 6 qaŋtarda bastalǧan. Būǧan deiın advokat Läzzat Ahatova Şyŋjaŋda qalǧan olardyŋ tuystaryna da Qytai bilıgı qysym jasaǧanyn aitqan.
Būǧan deiın de belsendıler ekı azamatty Qytaiǧa qaitarmaudy talap etken bolatyn.
"Adyrna" ūlttyq portaly
