Teologııa ǵylymynyń anyqtaýynsha jat aǵym ókilderiniń adamdardy arbaýy mynadaı úsh satydan turady:
Birinshi, eritip, balqytý;
Ekinshi, sanasyn ózgertip, ózderine beıimdeý. Úshinshi, óz qalyptaryna salyp, qatyryp tastaý.
Áýeli, jat aǵym ókilderi nysanaǵa alǵan adamyna eritip, balqytatyn túrli ýaǵyz-nasıhat aıtady. Ol úshin Quran aıattaryn, Alla Elshisiniń (s.ǵ.s) ósıetterin, sahabalardyń ónegelerin, odan keıingi iri ǵulamalardyń taǵylymdaryn qural retinde paıdalanyp baǵady. Balqydy-aý degende yńǵaıyna qaraı tartyp, ózderine beıimdeı bastaıdy. Mysaly, Ibn Táımııanyń postýlattaryn sanasyna quıyp, óz ıdeologııalaryn ótkizýge baryn salady. Beıimdelip boldy-aý degende óz qalyptaryna salyp, Ibn Baz, ál-Faýzan, ál-Ýsaımın, ál-Albanıdiń sharhtarymen tuzdyqtap, birjolata muz etip, qatyryp tastaıdy.Al, sosyn teologtar jat aǵymnyń jetegine ergen adamnyń toń bolyp qatqan sanasyn jibitýmen shuǵyldanady. Shirkin, adamdardy jat aǵymnyń ókilderi emes, aldymen óz ımamdarymyz ýaǵyz aıtyp eritip, balqytsa, teologtar san-sapat jumysqa jegilmes edi-aý.
Muhan Isahan,
Dintanýshy, PHD doktory,
QMDB janyndaǵy ǵulamalar keńesiniń múshesi,
ShQO Din máselelerin zertteý ortalyǵynyń tapsyrysy boıynsha
