Türkiia aumaǧynda İrannan ūşqan taǧy bır ballistikalyq zymyran atyp tüsırıldı. Būl turaly 13 nauryzda eldıŋ qorǧanys ministrlıgı jazdy, dep habarlaidy «Adyrna» tılşısı «Anadolu» agenttıgıne sılteme jasap.
«İrannan ūşyrylyp, Türkiianyŋ äue keŋıstıgıne kırgen ballistikalyq snariad Şyǧys Jerorta teŋızınde ornalastyrylǧan NATO-nyŋ äue şabuylyna qarsy qorǧanys jäne zymyranǧa qarsy qorǧanys bölımşelerı tarapynan zalalsyzdandyryldy», — delıngen habarlamada.
Vedomstvo el aumaǧy men äue keŋıstıgıne baǧyttalǧan kez kelgen qauıpke qarsy barlyq qajettı şara batyl ärı kıdırıssız qabyldanatynyn atap öttı.
Qazırgı taŋda oqiǧanyŋ barlyq män-jaiyn anyqtau üşın tiıstı elmen bailanystar jürgızılıp jatyr.
«Öŋırdegı barlyq oqiǧalar mūqiiat baqylauda jäne baǧalanuda, būl rette elımızdıŋ ūlttyq qauıpsızdıgıne basymdyq berıledı», — dep mälımdedı eldıŋ qorǧanys ministrlıgı.
Türkiialyq Savunma sanayi portalynyŋ jazuynşa, zalalsyzdandyrylǧan ballistikalyq zymyran Adana qalasyndaǧy İndjirlik äue bazasyna baǧyttalǧan.
Aita keteiık, būl — Türkiia aumaǧynda atyp tüsırılgen üşınşı irandyq zymyran. Būǧan deiın eldıŋ qorǧanys ministrlıgı 4 jäne 9 nauryzda İrannan ūşyrylǧan ekı ballistikalyq zymyrannyŋ joiylǧanyn habarlaǧan bolatyn.
