Aqyl, ǵylym, baqyt

2666
Adyrna.kz Telegram

Bir kúni, Aqyl, Ǵylym, Baqyt úsheýi bir birinen artyqshylyǵyn salystyryp talasyp sarapqa túsipti. Sarapshylar olarǵa bylaı depti:

Birinshi Baqytqa: sen, turaqsyz, opasyzsyń, ornyńdy tańdamaı qonasyń, qonǵanyńdy isintesiń, tasytasyń, aqyrynda bir kúni laqtyryp tastap ketesiń. Aqylmen tize qos, sonda kóp jasaısyń, – depti.

Ekinshi Ǵylymǵa: dúnıede senen kúshti nárse joq, qara tasty qaınatasyń, dúnıe júzin jaınatasyń, saqaýdy saıratasyń, joqty bar, bardan joq jasaısyń, bar ǵalamdy ózińe baǵyndyrǵyń keledi, baǵynbaǵandy demde álek qylasyń. Túzeý de, buzý da senen shyǵady. Aqylmen birik, sonda abyroımen uzaq jasaısyń, – depti.

Úshinshi Aqylǵa : dúnıede adamzatqa senen artyq dos joq, biraq Ashý ústińe kirip kelgende, ornyńdy berip shyǵasyń da ketesiń. Ashý búldirip búldirip ketken soń, kiresiń de Ashýdyń búldirgenin ońdaısyń. Áýelden ornyńnan turmaı otyrsań, Ashý seniń ústińe kirmegen bolar edi.

- Baryńdar, Aqyl, sen adam bol. Ǵalym, sen at bol, Baqyt,sen qamshy bol. Úsheýiń birikseń eshbir muń muqtajdaryń bolmaıdy, – depti.

 

Pikirler