Aımaqta «Jambyl oblysy turǵyndarynyń turmystyq tabysyn jaqsartý» jobasy aıasynda 7,2 mıllıard teńge bólinip, jyldyq 2,5 paıyz ósimmen nesıe berý jumystary bastalǵan bolatyn. Oǵan aýyl sharýashylyǵy basqarmasynyń «QR Memlekettik satyp alý týraly» zańnamasyna sáıkes, senim bildirgen ókili (agent) bolyp «Taraz» áleýmettik kásipkerlik korporaııasy» akıonerlik qoǵamy bekitildi.
Búgingi kúni «Taraz» áleýmettik kásipkerlik korporaııasy» AQ-ǵa jobanyń bes baǵyty boıynsha pılottyq 11 aýyldyq okrýgten 2 228 ótinish túsip, onyń 974-i maquldanǵan.
Qazirgi ýaqytta jobanyń ekinshi baǵyty boıynsha bergen ótinishterine sáıkes, 4 azamat nesıe qarajatyna qol jetkizdi. Atap aıtsaq, Jambyl aýdanynyń turǵyny Qanat Qasymov pen Baızaq aýdanynan Nurbóbek Ábdiraıymov – 5,0 mıllıon teńgeden, Jýaly aýdanynan Álıza Sydyrǵalı – 4,2 mıllıon teńge jáne Shý aýdanynan Dáýrenkúl Kúláshbekova – 3,2 mıllıon teńge aldy.
Jambyl aýdanynyń azamaty Qanat Qasymov jobanyń óte tıimdi ekenin aıtady. Sondaı-aq ol bul bastama barlyq aýdandy qamtysa degen nıetin jetkizdi.
«Shyny kerek kásip bastaımyn deıtin azamattyń aldynan eń birinshi shyǵatyn kedergi qarjy. Ózderińizge belgili ekinshi deńgeıli banktiń paıyzdyq ústemesi joǵary bolǵandyqtan odan alǵan qarjydan tabys tabý múmkin emes. Tabys tappaı túgili ústeme paıyzyn tóleımin dep, biraz shashylasyń. Al oblysymyzda pılottyq rejımde engen jobanyń paıyzy 2,5 paıyz. Bul qarapaıym azamat úshin qolaıly ári qoryqpaı jumys jasaýǵa yntalandyrady – deıdi ol.
Jýaly aýdanynyń turǵyny, «Sydyrǵalı A.S» jeke kásipkerlik basshysy Álıza Sydyrǵalı nesıe qarjysyna 3 bas múıizdi iri qara men 10 bas buqashyq satyp alyp, onyń sanyn arttyrýdy josparlasa, Shý aýdanyndaǵy «Kúláshbekova D.H.» JK ıesi Dáýrenkúl Kúláshbekova múıizdi iri qara men jylqy malyn alyp, kásibin dóńgeletýdi kózdeýde.
Aıta ketý kerek, nesıe sharttaryna sáıkes aýyl turǵyndarynyń nesıe alýǵa bergen ótinishteri maquldanǵan jaǵdaıda, jeke kásipker retinde tirkeýden ótip, bankten esepshot ashýlary qajet. Jalpy, kásipkerlerge nesıeniń negizgi ótemine bir jylǵa deıin, aı saıynǵy paıyzdyq ótemine jarty jylǵa deıin jeńildikter qarastyrylǵan.
«ADYRNA»
ulttyq portaly
