Bügıngı jastar-elımızdıŋ erteŋı. Täuelsız elımızdıŋ bolaşaǧynyŋ baiandy, keleşıgınıŋ kemel boluy jastarǧa tıkelei bailanysty. Sol sebeptı eldıŋ erteŋgı ümıtterın jeke bastyŋ emes, eldıŋ qamyn jeitın ūltjandy, ruhşyl ūrpaq etıp tärbieleudıŋ maŋyzdylyǧy erekşe. Bügıngı taŋda elımızde mektep qabyrǧasynan bastap patriottyq tärbie beru, ūlttyq müddenı bärınen de biık qoiatyn ūrpaq tärbieleu maqsatynda az jūmys jasalyp jatqan joq. Äsırese osydan bır jyl būryn Qazaqstan Respublikasynyŋ Tūŋǧyş Prezidentı Nūrsūltan Nazarbaevtyŋ tıkelei qoldauymen öz jūmysyn bastaǧan «Jas sarbaz» äskeri patriottyq qozǧalysy az uaqytta auqymdy jūmystar jasap, oŋ nätijeler körsete bastady.
Elbasy Nūrsūltan Äbışūlynyŋ tiianaqty tapsyrmasyna sai bügıngı taŋda elımızdıŋ barlyq aimaǧynda «Jas sarbaz» qozǧalysynyŋ filialdary aşyldy. Aimaqtardaǧy filialdardyŋ qai-qaisynyŋ bolmasyn jūmysyna zer salsaŋyz, şynymen-aq jalyndy jastardyŋ auyz toltyryp aitarlyqtai igı ısterdıŋ basynda jürgenın aŋǧaramyz. Sonymen qatar mektep oquşylarynyŋ qozǧalys jūmysyna qyzyǧuşylyǧy öte joǧary ekenın baiqauǧa bolady. Mysaly «Jas sarbaz» äskeri-patriottyq jastar qozǧalysynyŋ Jambyl oblystyq filialynyŋ töraǧasy Dulat Abdusamittıŋ aituynşa, qazırdıŋ özınde oblysta qozǧalystyŋ 13 500 müşesı bar eken.
«Qazır elımızde jastarǧa patriottyq tärbie berıp, elın, jerın süietın azamattardy qalyptastyruǧa airyqşa nazar audaruda. Osy oraida «Jas sarbaz» qozǧalysy bügıngı künnıŋ kün tärtıbınde tūrǧan mäsele boiynşa jüielı jūmystar jürgızude. Ärine qozǧalystyŋ aşylǧanyna köp uaqyt bolǧan joq. Degenmen az ǧana uaqyttyŋ ışınde qozǧalys jūmysy bır jüiege tüsıp, öz jolyn tapty deuge bolady. Atqarylǧan jūmys az emes. Bıraq atqaratyn jūmys odan da köp. Sol sebeptı aldaǧy uaqytta qozǧalys müşelerı artylǧan jauapkerşılık jügın abyroimen kötere bılıp, bar mümkındıkterın körsetuge tyrysatyn bolady, – degen Dulat Erjanūly qazırgı taŋda oblystaǧy bılım oşaqtarynda, joǧary oqu oryndarynda, kolledjderde türlı baǧyttaǧy kezdesuler ötkızılıp jatqanyn aitady. Oblystyq filialdyŋ kelesı jylǧa jospary da auqymdy.
Sondai-aq Taraz qalalyq jastar resurstyq ortalyǧynyŋ direktory Nūrlan Qanatov köp jaǧdaida barlyq mäsele aqşaǧa bailanysty ekenın, sol sebeptı de kelesı jyly filial jūmysyn jüieleuge 2 million teŋge bölu josparda ekenın aitady.
Eŋ bastysy, jauapty basşylar «Jas sarbaz» äskeri-patriottyq jastar qozǧalysy jūmysynyŋ asa jauapty ekenın tüsınıp, qoldau körsetude. Sözımızdıŋ dälelı oblystyq filialǧa arnaiy ǧimarat berıp, kerek-jaraqtarymen tolyqtai qamtamasyz etıp bergen.
«ADYRNA»
ūlttyq portaly
