Jambyldyq «Jas sarbaz» qozǵalysynyń qataryna artyp keledi

563

Búgingi jastar-elimizdiń erteńi. Táýelsiz elimizdiń bolashaǵynyń baıandy, keleshiginiń kemel bolýy jastarǵa tikeleı baılanysty. Sol sebepti eldiń erteńgi úmitterin jeke bastyń emes, eldiń qamyn jeıtin ultjandy, rýhshyl urpaq etip tárbıeleýdiń mańyzdylyǵy erekshe. Búgingi tańda elimizde mektep qabyrǵasynan bastap patrıottyq tárbıe berý, ulttyq múddeni bárinen de bıik qoıatyn urpaq tárbıeleý maqsatynda az jumys jasalyp jatqan joq. Ásirese osydan bir jyl buryn Qazaqstan Respýblıkasynyń Tuńǵysh Prezıdenti Nursultan Nazarbaevtyń tikeleı qoldaýymen óz jumysyn bastaǵan «Jas sarbaz» áskerı patrıottyq qozǵalysy az ýaqytta aýqymdy jumystar jasap, oń nátıjeler kórsete bastady.

Elbasy Nursultan Ábishulynyń tııanaqty tapsyrmasyna saı búgingi tańda elimizdiń barlyq aımaǵynda «Jas sarbaz» qozǵalysynyń fılıaldary ashyldy. Aımaqtardaǵy fılıaldardyń qaı-qaısynyń bolmasyn jumysyna zer salsańyz, shynymen-aq jalyndy jastardyń aýyz toltyryp aıtarlyqtaı ıgi isterdiń basynda júrgenin ańǵaramyz. Sonymen qatar mektep oqýshylarynyń qozǵalys jumysyna qyzyǵýshylyǵy óte joǵary ekenin baıqaýǵa bolady. Mysaly «Jas sarbaz» áskerı-patrıottyq jastar qozǵalysynyń Jambyl oblystyq fılıalynyń tóraǵasy Dýlat Abdýsamıttiń aıtýynsha, qazirdiń ózinde oblysta qozǵalystyń 13 500 múshesi bar eken.

«Qazir elimizde jastarǵa patrıottyq tárbıe berip, elin, jerin súıetin azamattardy qalyptastyrýǵa aıryqsha nazar aýdarýda. Osy oraıda «Jas sarbaz» qozǵalysy búgingi kúnniń kún tártibinde turǵan másele boıynsha júıeli jumystar júrgizýde. Árıne qozǵalystyń ashylǵanyna kóp ýaqyt bolǵan joq. Degenmen az ǵana ýaqyttyń ishinde qozǵalys jumysy bir júıege túsip, óz jolyn tapty deýge bolady. Atqarylǵan jumys az emes. Biraq atqaratyn jumys odan da kóp. Sol sebepti aldaǵy ýaqytta qozǵalys músheleri artylǵan jaýapkershilik júgin abyroımen kótere bilip, bar múmkindikterin kórsetýge tyrysatyn bolady, – degen Dýlat Erjanuly qazirgi tańda oblystaǵy bilim oshaqtarynda, joǵary oqý oryndarynda, kolledjderde túrli baǵyttaǵy kezdesýler ótkizilip jatqanyn aıtady. Oblystyq fılıaldyń kelesi jylǵa jospary da aýqymdy.

Sondaı-aq Taraz qalalyq jastar resýrstyq ortalyǵynyń dırektory Nurlan Qanatov kóp jaǵdaıda barlyq másele aqshaǵa baılanysty ekenin, sol sebepti de kelesi jyly fılıal jumysyn júıeleýge 2 mıllıon teńge bólý josparda ekenin aıtady.

Eń bastysy, jaýapty basshylar «Jas sarbaz» áskerı-patrıottyq jastar qozǵalysy jumysynyń asa jaýapty ekenin túsinip, qoldaý kórsetýde. Sózimizdiń dáleli oblystyq fılıalǵa arnaıy ǵımarat berip, kerek-jaraqtarymen tolyqtaı qamtamasyz etip bergen.

«ADYRNA»

ulttyq portaly

Pikirler
Redakııa tańdaýy