QR Mädeniet jäne aqparat ministrı, Ūlttyq qūryltai hatşysy Aida Balaeva Ūlttyq qūryltai müşelerımen kezdestı, dep habarlaidy “Adyrna” ūlttyq portaly.
Memleket basşysynyŋ bastamasymen qūrylǧan Ūlttyq qūryltai qyzmetı «qoǧamdyq dialogtyŋ bıryŋǧai institusionaldyq modelın» qalyptastyruǧa, bilık pen azamattardyŋ özara ıs-qimylyn nyǧaituǧa baǧyttalǧan.
Qoǧamda otanşyldyq, adamgerşılık, bılımpazdyq, naǧyz maman bolu, ünemşıldık, eŋbekqorlyq, el men jerge janaşyrlyq siiaqty asyl qasietter bärınen biık tūruǧa tiıs.
Osylaişa bız jas ūrpaqty adal azamat etıp tärbieleu, Ūlttyq bıregeilıktı nyǧaitu, jaŋa qūndylyqtardy ornyqtyru üşın jüielı jūmys jasauymyz qajet.
Elımızde belsendı sarapşylardyŋ Ūlttyq qūryltai qūramyna enuı qoǧamnyŋ elımızdıŋ qoǧamdyq-saiasi ömırıne qatysu mümkındıgın keŋeittı jäne azamattardyŋ zaŋdy qūqyqtary men müddelerın qorǧauǧa mümkındık jasady.
Kezdesude Qazaqstan Respublikasynyŋ Mädeniet jäne aqparat ministrı, Ūlttyq qūryltai hatşysy Aida Balaeva Ūlttyq qūryltai müşelerınıŋ ūsynystaryn tyŋdap, elımızde jaŋa qoǧamdyq etika qalyptastyru, eldıŋ bırlıgı men tūraqtylyǧy, azamattardyŋ özara tılektestıgı, ädıldık, zaŋ men tärtıp, senım jäne jauapkerşılık siiaqty qūndylyqtardy ılgerıletu mäselelerı talqylandy.
Sondai-aq, Aida Balaeva Memleket basşysynyŋ Türkıstan qalasynda ötken Ūlttyq qūryltaida bergen tapsyrmasy aiasynda mädeni mūrany saqtau jäne zerdeleu, eldıŋ özındık erekşelıgın körsetetın jäne ūlttyq müddelerge säikes keletın kıtaptardyŋ şyǧarylymyn ūlǧaitu mäselelerı boiynşa aqparat berdı.Ūqsas jaŋalyqtar
