Kórmeniń bir bóligine Abaı muralary qoıylmaq, dep habarlaıdy QazAqparat tilshisi.
«Qazaqstan Prezıdenti Qasym-Jomart Toqaevtyń «Abaıdyń 175 jyldyǵyn merekeleý týraly» Jarlyǵyn júzege asyrý aıasynda oblystyq tujyrymdama men óńirlik is-sharalar jospary ázirlendi. Olardy sátti ótkizý jóninde jumys komıssııasy quryldy. Komıssııa quramyna ártúrli qyzmet salasynyń ókilderi – tarıhshylar men ádebıettanýshylar, qoǵam qaıratkerleri men jýrnalıster kirdi», - dedi Shyǵys Qazaqstan oblysynyń ákimi Danıal Ahmetov.
Onyń aıtýyna qaraǵanda, josparǵa engen is-sharalar kesheniniń negizgi maqsaty – Abaıdyń kóp qyrly fılosofııalyq jáne shyǵarmashylyq murasyn jan-jaqty ashý arqyly dostyq pen jasampazdyqty kórsetý bolyp otyr.
«Abaı jyly aıasynda 560 shara ótkizemiz. Sonymen birge, aldaǵy jyldary Kembrıdj ýnıversıtetiniń «Fitzwilliam» murajaıynda úlken «Uly dala altyny» kórmesin ótkizemiz. Ol kórmeniń bir bóligi – Abaı murasy men shyǵarmasyna arnalady. Ol kórme atalmysh murajaıda kelesi jyldyń maýsym aıynan tamyzyna deıin uıymdastyrylady. Osylaısha, aǵylshyndar Uly dalanyń tarıhymen tanysady», - dedi ol.
«Adyrna» portaly
